Мулоқоти дуҷонибаи директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо директори Агентии муқовимат ба коррупсияи Ҷумҳурии Ӯзбекистон
15 декабри соли 2022 дар дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон мулоқоти дуҷонибаи директори Агентӣ, генерал-лейтенанти адлия Султонзода Сулаймон Саид бо директори Агентии муқовимат ба коррупсияи Ҷумҳурии Ӯзбекистон Бурханов Акмал Эшондедаевич баргузор гардид.
Зимни вохӯрӣ рафти иҷрои Нақшаи чорабиниҳо оид ба амалисозии “Ёддошти тафоҳум байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Агентии муқовимат ба коррупсияи Ҷумҳурии Ӯзбекистон” барои солҳои 2022-2023 мавриди баррасӣ қарор гирифта, вобаста ба корҳои анҷомдодашуда дар соли сипаригардида мубодилаи афкор сурат гирифт.
Қайд гардид, ки ёддошти мазкур барои баланд бардоштани донишу малакаи мутахассисони ҳарду ҷониб, махсусан дар самти пешгирии ҳуқуқвайронкуниҳои ба коррупсия алоқаманд таъсири мусбӣ расонида, таҷрибаи андӯхта дар ин самт ба беҳтар намудани фаъолият мусоидат намуд.
Вохӯрӣ дар фазои дӯстиву бародарӣ ва ҳусни тафоҳум анҷом сурат гирифта, ҷонибҳо азму иродаи хешро ба рушди бемайлони робитаҳои судманд баён намуданд.
Маркази матбуоти Агентӣ
9 декабри соли 2022, аз ҷониби Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба «Рузи байналмилалии мубориза бар зидди коррупсия» дар як қатор шаҳру ноҳияҳои ҷумҳурӣ аз ҷумла, шаҳри Хуҷанди вилояти Суғд, шаҳри Турсунзода ва ноҳияи Рӯдакӣ семинарҳои омузишӣ ташкил ва баргузор гардид.
8 декабри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии Роҳбарияти Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Агентии назорати маводи нашъаовари назди Президенти Ҷумҳурии Тоҷикистон бо Мушовири асосӣ - директори генералӣ барои савдои Комиссияи Аврупо Хонум Ева Сеноветс дар доираи Гурӯҳи кории Ҷумҳурии Тоҷикистон оид ба шомилшавӣ ба низоми умумии бархурдории тиҷоратии Иттиҳоди Аврупо (GSP+) ва муколамаи ҳуқуқи инсон бо намояндагони Иттиҳоди Аврупо баргузор гардид.
Давоми моҳи ноябри соли 2022 дар доираи нақшаи чорабиниҳои тасдиқгардида аз ҷониби кормандони Агентӣ дар шаҳрҳои Ваҳдат, Панҷакент ва ноҳияи Варзоб бахшида ба «Рӯзи байналмилалии мубориза бо коррупсия» семинари омӯзишӣ баргузор гардид.
25 ноябри соли 2022 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон мулоқоти дуҷонибаи директори Агентӣ Султонзода Сулаймон Саид ва сардори Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон Рахимов Дилшод Фахриевич доир гардид.
23 ноябри соли 2022 дар дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии роҳбарияти Агентӣ бо муовини раиси Кумитаи тафтишотии Ҷумҳурии Беларус Василев Анатолий Иванович баргузор гардид.
Дар идомаи Нақша – чорабиниҳои Агентӣ давоми моҳҳои ноябр-декабри соли 2022 дар бинои мақомотҳои иҷроияи ҳокимияти давлатии шаҳри Бохтари вилояти Хатлон ва шаҳри Ҳисор бахшида ба «Рӯзи байналмилалии мубориза бар зидди коррупсия» мутобиқ ба Конвенсияи Созмони Милали Муттаҳид зидди коррупсия семинари омӯзишӣ баргузор гардид.