Баргузории нишасти матбуотӣ дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон
9 августи соли 2024 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти нимсолаи якуми соли 2024, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, нишасти матбуотӣ доир гардид.
Дар нишасти мазкур роҳбарияти Агентӣ, масъулини Дастгоҳи иҷроияи Президенти Ҷумҳурии Тоҷикистон, сардорони раёсату шуъбаҳои Дастгоҳи марказӣ ва маҳалливу минтақавии мақомот, инчунин доираи васеи намояндагони васоити ахбори омма ширкат варзиданд.
Чорабиниро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо сухани ифтитоҳӣ оғоз намуда, натиҷаҳои фаъолияти мақомотро дар нимсолаи якуми соли 2024 ба саъми намояндагони воситаҳои ахбори омма расонида шуд.
Қайд гардид, ки Агентӣ дар нимсолаи аввали соли 2024 ҷиҳати амалисозии вазифаҳои хизматӣ пайваста тадбирҳои судмандро роҳандозӣ намуда, дар самти назорати истифодаи самараноки маблағҳои буҷетӣ, пешгирӣ ва ошкори ҷинояту ҳуқуқвайронкуниҳои коррупсионӣ, риояи ҳуқуқу озодиҳои инсон ва шаҳрванд корҳои муайянеро ба анҷом расонидааст.
Зимнан, дар ин давра мутахассисони самти назорати давлатии молиявии Агентӣ дар вазорату идораҳо, мақомоти иҷроияи маҳаллии ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 258 тафтишу санҷиши молиявӣ гузаронида, ба маблағи умумии 251,1 млн. сомонӣ зарари молиявӣ ошкор намуданд. Тавассути чораҳои андешидашуда аз маблағҳои ошкоршудаи зарар 240,5 млн. сомонӣ ба манфиати давлат барқарор карда шудааст, ки 147,2 млн. сомонии он бевосита ба суратҳисобҳои буҷетӣ ва 93,3 млн. сомонӣ бо роҳи ҳисоббаробаркунӣ ва даромад кардани молу мулк мебошад.
Ҳамин тариқ, дар нимсолаи аввали соли 2024 Агентӣ дар ҳамаи самтҳои фаъолият 290,1 млн. сомонӣ ба давлат барқарор намудааст, ки 191,1 млн. сомонии он ба суратҳисобҳои буҷетӣ, 93,3 млн. сомонӣ бо роҳи даромад кардани воситаҳои пулию молӣ ва ҳисоббаробаркуниҳо ба манфиати давлат рост омада, 5,7 млн. сомонӣ ба фоидаи ташкилоту муассисаҳои давлатӣ ва шаҳрвандон мебошад.
Воҳидҳои ҳифзи ҳуқуқи Агентӣ 1267 ҷинояти коррупсионӣ, иқтисодии хусусияти коррупсионидошта ва дигар ҷиноятҳои ба мақомоти ҳифзи ҳуқуқ вобастабударо нисбати 694 нафар ошкор намуда, тафтиши пешакии 381 парвандаи ҷиноятиро нисбати 460 нафар ба итмом расонида, бо тасдиқи фикри айбдоркунӣ ба судҳо ирсол намудаанд.
Кормандони Агентӣ ҷиҳати тарғибу ташвиқи сиёсати зиддикоррупсионӣ ва пешгирии ҳуқуқвайронкуниҳои коррупсионӣ 825 вохўрӣ гузаронида, дар ин раванд тавассути васоити ахбори омма 57 маротиба баромад карда, 6 конфронс ва 38 мизҳои мудаввар, семинарҳо ва нишастҳои матбуотӣ доир намуданд.
Аз натиҷаи санҷишҳо, таҳқиқ ва тафтиши парвандаҳои ҷиноятӣ ҷиҳати бартараф намудани сабабу омилҳои коррупсионӣ ва шароитҳои ба онҳо мусоидаткунанда унвонии вазорату идораҳо 1772 пешниҳод ва 734 дастури хаттӣ ирсол гардида, бо баррасии онҳо нисбати 303 нафар ҷазоҳои интизомӣ татбиқ карда шуда, 106 нафар аз вазифаҳои ишғолнамудаашон озод карда шудаанд.
Дар давраи сипаригардида баррасии саривақтии 1621 муроҷиатҳои шахсони воқеию ҳуқуқӣ таъмин гардидааст, ки бо 414 адади он талаботи арзкунандагон қонеъ ва бо 1122 муроҷиат қарорҳои дахлдори қонунӣ қабул карда шуда, 85 муроҷиат бо сабаби беном буданашон мавриди баррасӣ қарор дода нашуданд. Дар як вақт аз ҷониби роҳбарияти Агентӣ 112 нафар шаҳрвандон қабул гардида, аз рўи муроҷиатҳои онҳо чораҳои қонунӣ андешида шудааст.
Маркази матбуоти Агентӣ
Ба диққати намояндагони васоити ахбори омма расонида мешавад, ки дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти натиҷаҳои фаъолият дар нимсолаи якуми соли 2024, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, 9 августи соли 2024 соати 08:00 дар бинои дастгоњи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон, воқеъ дар суроғаи шаҳри Душанбе, хиёбони А.Сино - 126/1 нишасти матбуотӣ баргузор мегардад.
Дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти соли 2022, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, 17 феврали соли 2023 дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон нишасти матбуотӣ доир карда шуд.
18 июли соли 2022 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти нимсолаи аввали соли 2022, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, нишасти матбуотӣ доир гардид.
2 феврали соли 2022 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти соли 2021, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, нишасти матбуотӣ доир гардид.
Дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти нимсолаи якуми соли 2021, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, 28 июли соли 2021 дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон нишасти матбуотӣ доир гардид.
7 декабри соли 2020 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар якҷоягӣ бо Ташкилоти ҷамъиятии «Пешгирии коррупсия дар ҷумҳурӣ» дар толори маҷлисгоҳи Донишгоҳи технологии Тоҷикистон бо иштироки намояндагони вазорату идораҳо ва ташкилотҳои ҷамъиятӣ бахшида ба «Рӯзи байналмилалии мубориза бар зидди коррупсия» мизи мудаввар баргузор гардид.