Тасарруфи маблағҳои буҷетӣ бо роҳи сохтакорӣ
Назаров Хуршедҷон Абдураҳмонович дар вазифаи директори Ҷамъияти дорои масъулияташ маҳдуди “Аҳмад Сохтмон” кор карда, дар давраи фаъолияти кориаш бо истифодаи ваколати мансабӣ зимни анҷом додани корҳои таъмиру сохтмонии бинои шуъбаи маорифи ноҳияи И.Сомонӣ дар асоси супоришномаҳои пулӣ қасдан ва бо роҳи сохтакорӣ ҷамъ маблағи 272043 сомониро барзиёд нишон дода, маблағи мазкурро тасарруф намудааст, ки дар натиҷа ба давлат зарари калони моддӣ расонидааст.
Вобаста ба ҳолати мазкур нисбати Назаров Хуршедҷон Абдураҳмонович бо моддаҳои 245 қисми 4 банди “б” ва 340 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ бо тасдиқи фикри айбдоркунӣ барои моҳиятан баррасӣ намудан ба суд ирсол гардид.
Маркази матбуоти Агентӣ
Наимов Парвиз Саидович дар вазифаи сармутахассиси шуъбаи иҷозатномадиҳии раёсати ҳуқуқи Вазорати молияи Ҷумҳурии Тоҷикистон кор карда, дар асоси маслиҳати пешакӣ бо сардори шуъбаи мазкур Мирзоев Далер Сатторович зимни фаъолияти кориашон ҳамчун шахси мансабдор аз шаҳрванд “А” барои мусоидат намудан ҷиҳати гирифта додани иҷозатномаи машғул шудан ба фаъолияти идораи букмекерӣ ба сифати пора маблағи 3000 доллари ИМА талаб намуда, аз ин маблағ 1000 доллари ИМА-ро гирифта, боз оварда додани маблағи 2000 доллари ИМА-ро талаб намудаанд.
Асилов Беҳруз Рустамович дар вазифаи устои калони ҶДММ “Имдоди Ғайрат” кор карда, дар давраи фаъолияти кориаш зимни иҷрои корҳои сохтмонӣ дар Муассисаҳои таҳсилоти миёнаи умумии №57, №78, №126, №128 ва №129-и ноҳияи Фирдавсии шаҳри Душанбе бо мақсади тасарруфи молу мулки ғайр бо роҳи сохтакорӣ маблағи умумии 616218 сомониро барзиёд ҳисоб карда, онро азонихуд намудааст.
Дар доираи сафари расмии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо Раиси Агентии Ҷумҳурии Қазоқистон оид ба муқовимат ба коррупсия, генерал-майори хадамоти зиддикоррупсионӣ Жумағали Асхат Жумағалиули мулоқот анҷом дод.
Санаи 1 майи соли 2023 дар бинои Ҳукумати Ҷумҳурии Тоҷикистон ҷаласаи навбатии Шӯрои миллии муқовимат ба коррупсияи Ҷумҳурии Тоҷикистон таҳти роҳбарии Сарвазири Ҷумҳурии Тоҷикистон - раиси Шӯро доир гардид.
Шукурова Фирӯза Пулатовна дар вазифаи муҳосиби музди меҳнати Муассисаи давлатии “Пажӯҳишгоҳи акушерӣ, гинекологӣ ва перинатологии Тоҷикистон”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон кор карда, дар асоси маслиҳати пешакӣ бо сариқтисодчӣ Худогуева Гулбаҳор Халифаевна ва муҳосиби молии муассисаи мазкур Мухамедрахимова Зебогул Мухамадиевна зимни фаъолияти кориашон бо истифода аз ваколати мансабӣ даст ба содир намудани ҷинояти қасдона задаанд.
Пулотов Музаффар Маъмурович ба ҳайси мутахассиси шуъбаи барӯйхатгирии техникии Корхонаи давлатии фаръии “Бақайдгирии молу мулки ғайриманқул” дар шаҳри Истаравшан кор карда, зимни фаъолияти кориаш аз шаҳрванд “А” барои мусоидат намудан, ҷиҳати гирифтани шаҳодатномаи истифодабарии замин ва гирифтани шаҳодатномаи қонунигардонии дороиҳо ба манзили номбурда маблағи 33000 сомониро бо роҳи фиреб гирифта, тасарруф намуда, ба охирин зарари калони моддӣ расонидааст.
Мудири муассисаи томактабии №27 шаҳри Хуҷанд Раупова Мадинаҷон Абдулатифовна дар асоси маслиҳати пешакӣ бо мутахассиси қарзии ҶСП ТАҚХ «Имон интернешнл» Раҳимбоев Маликхуҷа Мӯминҷонович бо сӯиистифодаи ваколат бархилофи дастурамалҳои Бонки миллии Тоҷикистон амал намуда, бо роҳи сохтакории ҳуҷҷатҳои бонкӣ ба ному насаби 11 нафар гӯё барои рушди тиҷорат ва таъмири хона маблағи умумии 161 050 доллари ИМА ва 727 500 сомонӣ қарзҳои бонкӣ тартиб додаанд.