27 майи 2024 .
Чунончи, Отаҷонов М.Ш. зимни фаъолияти хизматиаш моҳҳои феврал - апрели соли 2023 дар асоси маслиҳати пешакӣ бо директори ҶДММ “Садафи Ғончӣ”-и ноҳияи Деваштич Ҷӯраев Д.Г. амал намуда, ба воситаи ҷамъияти мазкур дар 5 ҳолат бо роҳи сохтакории борхатҳои хароҷотӣ маблағи 203 102 сомонии барои харидории маводҳои безараргардонӣ ҷудошударо нақдӣ кунонида, маблағи дар ихтиёрдориашон қарордоштаро аз рӯи таъйинот истифода набурда, аз он 152 248 сомониашро бо роҳи сохтакории ҳуҷҷатҳои муҳосибӣ азонихуд карданд, ки бо ин кирдори қасдонаи худ ба давлат зарари махсусан калонии моддӣ расониданд.
Оиди ҳолати мазкур нисбати Отаҷонов М.Ш. ва Ҷӯраев Д.Г. бо моддаҳои 245 қисми 4 банди «б» ва 323 КҶ Ҷумҳурии Тоҷикистон парвандаи ҷиноятӣ оғоз гардида, он баъди анҷоми тафтиши пешакӣ ба суд ирсол гардидааст.
22 майи 2024 .
Зимнан, Давлатзода С.Д. дидаву дониста аз он ки ваколати сафарбар намудани шаҳрвандро ба хизмати ҳарбӣ дар ҳайати захираҳои давлатии сафарбарӣ надорад, худи ҳамон вақт аз шаҳрванд Э.А. маблағи 66000 сомониро гирифта, ба манфиати номбурда ягон амали муайянро иҷро накарда, маблағҳои гирифтаашро ба эҳтиёҷоти шахсиаш сарф карда тасарруф намуд.
Вобаста ба ҳолати мазкур нисбати Давлатзода С.Д. бо моддаи 247 қисми 3 банди “а” КҶ Ҷумҳурии Тоҷикистон парвандаи ҷиноятӣ оғоз карда шуда, он баъди анҷоми тафтиши пешакӣ ба суд ирсол гардидааст.
Маркази матбуоти Агентӣ
16 майи 2024 .
Дар рафти тафтиши пешакии парвандаи ҷиноятӣ муайян карда шуд, ки Абдураҳмонзода Б.С. ҳамчун шахси мансабдори давлатӣ ба ҳисоб рафта, дар давраи фаъолияти кориаш қасдан ва бо мақсади ба даст овардани фоидаи муфт зимни баррасии парвандаҳои дар пешбурдаш қарордошта барои татбиқи ҷазоҳои нисбатан сабук ба судшавандагон ва ба манфиати онҳо ҳал кардани натиҷаи судӣ бо ин парвандаҳо аз хешвандони судшавандагон дар 7 ҳолат ҷамъ маблағи 128 800 сомониро ғайриқонунӣ гирифтааст.
Вобаста ба ҳолатҳои болозикр нисбати Абдураҳмонзода Б.С. бо моддаҳои 247 қисми 4 банди «б», 314 қисми 2 ва 319 қисми 3 КҶ Ҷумҳурии Тоҷикистон парвандаи ҷиноятӣ оғоз гардида, он бо тасдиқи фикри айбдоркунӣ ва барои моҳиятан баррасӣ намудан ба суд ирсол карда шудааст.
Нисбати айбдоршаванда Абдураҳмонзода Б.С. чораи пешгирӣ дар намуди ба ҳабс гирифтан татбиқ гардидааст.
Маркази матбуоти Агентӣ
13 майи 2024 .
Чунончӣ, миёнаи моҳи августи соли 2023 дар ноҳияи Темурмалик Асомуддинов А.З. бо сокини ин ноҳия Н.Ҷ.А. вохурда, огоҳ гардид, ки писари охирон Н.Ф.Ҷ. нияти гузаштани хизмати ҳарбӣ дар ҳайати захираҳои сафарбарӣ (хизмати алтернативӣ)-ро дорад.
Асомуддинов А.З. ҳолати мазкурро барои гирифтани маблағҳои пулӣ мусоид ҳисобида, бо сӯиистеъмоли мақоми хизматӣ барои дар ҳайати захираҳои сафарбарӣ гузаштани хизмати ҳарбӣ аз ҷониби Н.Ф.Ҷ., аз падари охирон Н.Ҷ.А. маблағи 12 000 сомонӣ талаб намуда, моҳи августи соли 2023 дар ду ҳолат аз Н.Ҷ.А. маблағи зикршударо гирифт.
Вобаста ба ҳолати мазкур нисбати Асомуддинов А.З. бо моддаи 391 қисми 1 КҶ Ҷумҳурии Тоҷикистон парвандаи ҷиноятӣ оғоз карда шуда, баъди тафтиши пешакӣ барои моҳиятан баррасӣ намудан бо тасдиқи фикри айбдоркунӣ ба суд ирсол карда шуд.
Маркази матбуоти Агентӣ
06 майи 2024 .
ЛИНК ) ба нашр бароварда шуд.
Омӯзиши мақолаи зикршуда нишон дод, ки баъди нашри мақола дар сомонаи расмии Агентӣ нисбати роҳбари ҶДММ «Лоиқ» Саидов А.И., номбурда аз ин ҳолат бохабар гашта, ба редаксияи АИ «Азия - Плюс» муроҷиат карда, айбдории худро дар тасарруфи маблағҳои зимни сохтмони иншоот дар Маркази миллии тестии назди Президенти Ҷумҳурии Тоҷикистон ҷудошуда инкор намудааст.
Ҳамзамон, Саидов А.И. дар посухи худ ба АИ «Азия - Плюс» қайд намудааст, ки гӯё санҷиши гузаронидаи Агентӣ беасос буда, онро ҳамчун дахолат ба фаъолияти соҳибкорӣ номидааст ва зимни санҷиши молиявии гузаронидашуда иштирок накарда, нусхаи санади санҷишӣ ба ӯ дастрас нашудааст.
Бояд қайд намуд, ки тафтиши пешакии парвандаи ҷиноятӣ нисбати роҳбари ҶДММ “Лоиқ” Саидов А.И. тибқи талаботи моддаи 21 Кодекси мурофиавии ҷиноятии Ҷумҳурии Тоҷикистон ҳамаҷониба, пурра ва холисона ба роҳ монда шуда, Агентӣ бо мақолаи нашрнамудаи АИ «Азия - Плюс» ва изҳори норозигии Саидов А.И. бо рафти тафтиши пешакӣ бо асосҳои зерин розӣ шуда наметавонад:
- дар рафти тафтиши пешакии парвандаи ҷиноятии болозикр гумонбаршуда Саидов А.И. дар ҳақиқат ба санҷиши гузаронидаи муттахассисони самти назорати давлатии молиявии мақомот норозигӣ изҳор намудааст. Дар ин асно, бо мақсади таъмини тафтиши ҳамаҷониба, пурра ва холисонаи ҳолатҳои кор доир ба парвандаи ҷиноятӣ санҷиши такрории молиявӣ - хоҷагидорӣ дар фаъолияти ҷамъият вобаста ба сохтмони иншоот дар Марказ таъин гардидааст, ки натиҷаи санҷиши такрорӣ тасарруфи маблағҳои буҷетиро аз тарафи Саидов А.И. бори дигар тасдиқ намудааст;
- дар рафти тафтиши пешакӣ нисбати Саидов А.И. чораи пешгирӣ дар намуди забонхат дар бораи тарк накардани маҳалли истиқомат татбиқ гардида, номбурда пурра дар рафти санҷиши такрории таъиншуда иштирок намуда, бо натиҷаи санҷиши гузаронидашуда, яъне санади санҷишӣ аз 29 феврали соли 2024 шинос шуда, санади мазкурро бо имзои худ тасдиқ ва нусхаи онро гирифтааст;
- Саидов А.И. зимни пурсиш ба сифати айбдоршаванда санаи 07 марти соли 2024 айбдории худро дар тасарруфи маблағҳои буҷетӣ ва сохтакории ҳуҷҷатҳо пурра тасдиқ карда, худро дар содир намудани ҷиноят пурра айбдор ҳисобида, ҳолати мазкурро бо дасти худ дар протоколи пурсиши айдоршаванда дарҷ намудааст;
- ҳамзамон дар рафти тафтишоти пешакӣ аз тарафи айбдоршаванда баъди гузаронидани санҷиши такрорӣ зарари расонидашуда ба пуррагӣ ба буҷаи давлат барқарор карда шудааст, ки ҳолатҳои мазкурро расидҳои бонкӣ аз 16 ва 19 феврали соли 2024 ва 07 марти соли 2024 исбот менамоянд.
- вобаста ба ҳолати асоснокии гузаронидани санҷиши молиявӣ дар фаъолияти ҶДММ “Лоиқ” бояд қайд намуд, ки санҷиш дар фаъолияти худи ҷамъият, не балки дар фаъолияти Маркази миллии тестии назди Президенти Ҷумҳурии Тоҷикистон гузаронида шуда, дар рафти он асоснокии истифодабарии маблағҳои буҷетӣ мавриди санҷиш фаро гирифта, он тибқи талаботи Қонуни Ҷумҳурии Тоҷикистон “Дар бораи назорати давлатии молиявӣ дар Ҷумҳурии Тоҷикистон” аз 02 декабри соли 2002, №66 ва дигар санадҳои меъёрию ҳуқуқии соҳавӣ гузаронида шуда, пурра асоснок мебошад;
- вобаста ба баҳси гражданӣ будани раванди сохтмони иншооти “Сохтмони бинои ошхона иборат аз 2 ошёна, дар ҳудуди қитъаи замини Маркази миллии тестии назди Президенти ҶТ” аз тарафи ҶДММ “Лоиқ” бояд тазаккур дод, ки тибқи талаботи моддаи 7 Қонуни Ҷумҳурии Тоҷикистон “Дар бораи назорати давлатии молиявӣ дар Ҷумҳурии Тоҷикистон” санҷишҳои мавзӯии дигар субъектҳои хоҷагидорӣ, сарфи назар аз шакли моликияташон, дар қисмати гирифтан, ба воситаи суратҳисобҳо гузарондан ё истифодаи маблағҳои буҷети давлатӣ аз ҷониби онҳо, иҷрои фармоиши давлатӣ ва истифодаи амволи давлатӣ, дар ҳолатҳое гузаронида мешавад, ки ин санҷишҳо бинобар зарурати доир намудани санҷиши мутақобила аз рӯи далелҳои мушаххас ба миён омаданд. Аз ин рӯ, санҷиш дар доираи талаботҳои қонунгузории Ҷумҳурии Тоҷикистон ба роҳ монда шуда, бинобар мавҷуд будани маълумотҳои асоснок вобаста ба тасарруфи маблағҳои буҷетӣ аз тарафи ҶДММ “Лоиқ” гузаронида шудааст, ки ҳолати мазкур зимни санҷиш пурра тасдиқи худро ёфтааст.
Асосҳои дар боло овардашуда пурра дуруст буда, дар ин хусус доир ба парвандаи ҷиноятӣ далелҳои раднашаванда мавҷуд мебошанд, ки дар сурати додани розигӣ аз тарафи роҳбари ҶДММ “Лоиқ” Саидов А.И. Агентӣ омода ҳаст онро ба ҳамагон пешниҳод намояд.
Дар ин асно, санҷиши фаъолияти ҶДММ “Лоиқ” дар муносибат бо Марказ вобаста ба сохтмони иншооти “Сохтмони бинои ошхона иборат аз 2 ошёна, дар ҳудуди қитъаи замини Маркази миллии тестии назди Президенти ҶТ” тибқи талаботи қонунгузории ҷумҳурӣ гузаронида шуда, ваҷҳои овардаи роҳбари ҷамъият Саидов А.И. вобаста ба ин санҷиш пурра беасос мебошанд.
Агентии назорати давлатии молиявӣ ва мубориза бо коррупсияи Ҷумҳурии Тоҷикистон фаъолияти худро тибқи талаботи Конститутсияи Ҷумҳурии Тоҷикистон ва дигар санадҳои меъёрию ҳуқуқӣ ба роҳ монда, зимни он риояи ҳуқуқу озодиҳои шахсони воқеӣ ва ҳуқуқиро вазифаи аввалиндараҷаи худ меҳисобад.
Маркази матбуоти Агентӣ
30 апрели 2024 .
Чорабинӣ дар ҳамкорӣ ва бо дастгирии Мақомоти иҷроияи ҳокимияти давлатии вилояти Хатлон баргузор гардида, дар он роҳбарият ва шахсони масъул аз мақомоти ҳифзи ҳуқуқ, суд, тандурустӣ ва маорифи вилояти Хатлон, инчунин масъулини МДТ “Донишгоҳи давлатии Бохтар ба номи Носири Хусрав” ширкат варзида, дар баромадҳои худ вобаста ба муҳимияти баланд бардоштани маърифтаи ҳуқуқӣ ва роҳҳои он ибрози андеша намуданд.
Қайд гардид, ки баланд бардоштани сатҳи маърифати ҳуқуқии шаҳрвандон яке аз ҳадафҳои афзалиятноки сиёсати пешгирифтаи Ҳукумати Ҷумҳурии Тоҷикистон ба ҳисоб рафта, аз тарафи Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун “Соли маърифати ҳуқуқӣ эълон намудани соли 2024” шаҳодати гуфтаҳои болост.
Мақсад аз баргузории чунин чорабинӣ ин дар баробари баланд бардоштани маърифти ҳуқуқии шаҳрвандон инчунин омӯзиш ва таҳлили вазъи воқеии муқовимат ба коррупсия, ҷалби бештари ҷомеаи шаҳрвандӣ ба масоили муқовимат ба ҷинояткорӣ, экстремизм, терроризм ва тақвияти ҳамкории судманд байни мақомоти ҳифзи ҳуқуқ ва сокинони вилоят дар мубориза бо ин падидаҳои номатлуб ба ҳисоб меравад.
Маркази матбуоти Агентӣ
29 апрели 2024 .
Чунончи, Шафеиён И.С. моҳи майи соли 2021 бо мақсади ба даст овардани даромади муфт бо истифода аз мақоми хизматӣ ба боварии шаҳрванд А.Б. ва якчанд сокинони шаҳри Исфара даромада, бо роҳи фиреб ва сӯиистифодаи боварӣ аз номбурдагон барои ҳуҷҷатгузорӣ ва ҷудо карда додани қитъаи замини наздиҳавлигӣ аз ҳудуди маҳаллаҳои Сомониён ва Моҳпарии шаҳри Исфара барои сохтмони манзили истиқоматӣ маблағи 255 000 сомонӣ талаб намуда, аз ин маблағ дар якчанд маврид ҷамъ 180 000 сомониро гирифт.
Шафеиён И.С. баъди гирифтани маблағи зикршуда ба манфиати шаҳрвандон ягон амали муайянро иҷро накарда, онро тасарруф намуда ба эҳтиёҷоти шахсиаш сарф кард, ки бо ин кирдори қасдонаи худ ба шаҳрванд А.Б. ва дигарон зарари махсусан калони моддӣ расонид.
Оиди ҳолати мазкур нисбати Шафеиён И.С. парвандаи ҷиноятӣ бо моддаи 247 қисми 4 банди “б” КҶ Ҷумҳурии Тоҷикистон оғоз карда шуда, баъди анҷоми тафтиши пешакӣ барои баррасӣ ба суд ирсол гардидааст.
Маркази матбуоти Агентӣ
26 апрели 2024 .
Зимнан, дар асоси муроҷиати шаҳрванд С.М. санаи 22 апрели соли 2024 аз ҳисоби кормандони мақомот гурӯҳи оперативӣ – тафтишотӣ таъсис дода шуда, дар натиҷаи гузаронидани чорабиниҳои дахлдор гумонбаршуда Қосимов Қ.Т. баъди аз шаҳрванд С.М. гирифтани маблағи 10000 сомонӣ дар ҳудуди шаҳри Душанбе боздошт гардида, маблағи зикршуда аз ӯ ёфта гирифта шуд.
Оиди ҳолати мазкур нисбати Қосимов Қ.Т. бо моддаи 247 қисми 3 банди “а” КҶ Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии парвандаи ҷиноятӣ идома дорад.
Маркази матбуоти Агентӣ.
Зимни гузаронидани санҷиши молиявӣ - хоҷагидорӣ дар фаъолияти Муассисаи давлатии «Дезинфексияи профилактикии ноҳияи Деваштич» муайян гардид, ки Отаҷонов М.Ш. аз 19 августи соли 2014 то инҷониб дар вазифаи директори ҳамин Муассиса кору фаъолият карда, дар давраи фаъолияти кориаш бо истифода аз ваколати мансабдорӣ дар чунин ҳолат даст ба ҷинояти азонихудкунӣ зад.
Бо гузаронидани чорабиниҳои оперативӣ - ҷустуҷӯӣ муайян карда шуҷд, ки Давлатзода С.Д. дар вазифаи нозири минтақавии шуъбачаи ҳифзи тартиботи ҷамъиятии ШВКД дар ноҳияи Қубодиён кору фаъолият намуда, дар давраи фаъолияти кориаш қасдан ва бо мақсади тасарруфи молу мулки ғайр моҳи октябри соли 2023 бо роҳи фиреб ба боварии шаҳрванд Э.А. даромада, аз номбурда бо баҳонаи сафарбар намудани наберааш Э.М.А. ба хизмати ҳарбӣ дар ҳайати захираҳои давлатии сафарбарӣ маблағи 66000 сомонӣ талаб намуд. 
Раёсати тафтишотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон тафтиши пешакии парвандаи ҷиноятӣ нисбати собиқ раиси Суди ноҳияи Панҷи вилояти Хатлон Абдураҳмонзода Б.С.-ро ба итмом расонид. 
Асомуддинов А.З. аз 27 сентябри соли 2021 то инҷониб дар вазифаи сардори зершуъбаи қайди афсарони эҳтиётии Комиссарияти ҳарбии ноҳияи Темурмалик кору фаъолият карда, дар давраи фаъолияти кориаш дар ҳолати зерин даст ба содир кардани ҷинояти қасдона зад. 
Санаи 26 апрели соли 2024 баъди нашри мақола дар сомонаи расмии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо номи «Тасарруфи маблағҳои буҷетӣ аз тарафи ширкати сохтмонӣ зимни сохтмони бинои ошхона дар Маркази миллии тестии назди Президенти Ҷумҳурии Тоҷикистон» дар сомонаи расмии АИ «Азия - Плюс» мақола бо номи «Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”» (
Бо мақсади дар амал татбиқ намудани Фармони Президенти Ҷумҳурии Тоҷикистон «Дар бораи «Соли маърифати ҳуқуқӣ» эълон намудани соли 2024» аз 30 декабри соли 2023, №668 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон санаи 24 апрели соли 2024 дар бинои Муассисаи давлатии таълимии “Донишгоҳи давлатии Бохтар ба номи Носири Хусрав” конфронси илмӣ - амалӣ дар мавзӯи “Маърифати ҳуқуқӣ ва рушди он дар Ҷумҳурии Тоҷикистон” баргузор гардид.
Зимни баррасии аризаи дастаҷамъонаи сокинони шаҳри Исфара муайян карда шуд, ки Шафеиён И.С. аз 01 марти соли 2021 инҷониб дар вазифаи мудири шуъбаи ташкилӣ ва кор бо кадрҳои дастгоҳи раиси шаҳри Исфара кор карда истода, дар давраи фаъолияти кориаш даст ба ҷинояти қаллобӣ задааст.
Бо гузаронидани чорабиниҳои оперативӣ – ҷустуҷӯӣ муайян гардид, ки Қосимов Қ.Т. дар вазифаи мутахассиси пешбари Кумитаи идораи замин дар шаҳри Ҳисор кору фаъолият карда, дар давраи фаъолияти кориаш охирҳои моҳи январи соли 2024 бо истифода аз мақоми хизматӣ ба боварии шаҳрванд С.М. даромада, аз номбурда бо роҳи фиреб барои омода намудани шаҳодатнома дар бораи бақайдгирии давлатӣ ва дигар ҳуҷҷатҳои зарурӣ барои манзили истиқоматиаш маблағи 30000 сомонӣ талаб карда, аз ин 20000 сомониро худи ҳамон вақт гирифта, оварда додани боқимонда 10000 сомонии дигарро талаб намуд.