.
Тафтиши пешакии парвандаи ҷиноятӣ нисбати раиси Кумитаи идораи замини шаҳри Панҷакент Муродзода Ғ.М. нишон дод, ки номбурда аз 25 июли соли 2023 дар ин вазифа кору фаъолият намуда, ҳамчун шахси мансабдор ба ҳисоб рафта, дар давраи фаъолияти кориаш бо сӯиистифода аз ваколатҳои мансабиаш дар давраи солҳои 2023 ва 2024 дар 4 ҳолат аз шаҳрвандон барои омода ва тартиб додани пешниҳод унвонии раиси шаҳри Панҷакент ва мусоидат намудан ҷиҳати гирифтани қарори раиси шаҳр оид ба ҷудо кардани қитъаи замин ҷамъ маблағи 18 000 сомониро ғайриқонунӣ гирифта, онро тасарруф намуда, ба эҳтиёҷоти шахсиаш сарф кард.
Ғайр аз ин, Муродзода Ғ.М. кирдорҳои ҷиноятии худро идома дода, давоми моҳҳои феврал-апрели соли 2024 дар асоси маслиҳати пешакӣ бо роҳбари Кооперативи тиҷоратии “Ҳаёти нав”-и шаҳри Панҷакент Зиёвидинов У.Ҳ. амал карда, барои ба фурӯш баровардани 0,20 га қитъаи замин аз ҳудуди Ҷамоати деҳоти Саразми шаҳри Панҷакент аз шаҳрванд А.А. ҷамъ маблағи 40047,5 сомониро гирифтанд, ки дар натиҷа дар ҷойи ҳодиса аз тарафи кормандони Агентӣ дастгир карда шуданд.
Оиди ҳолати мазкур нисбати Муродзода Ғ.М. ва дигарон бо моддаҳои 247 қисми 2 бандҳои “в,г”, 314 қисми 1 ба 319 қисми 1 КҶ Ҷумҳурии Тоҷикистон парвандаи ҷиноятӣ оғоз гардида, он баъди анҷоми тафтиши пешакӣ барои моҳиятан баррасӣ намудан ба суд ирсол карда шудааст.
Чоп намудан
E-mail
.
Бо мақсади таъмини иҷрои супориши Дастгоҳи иҷроияи Президенти Ҷумҳурии Тоҷикистон санаи 19 июли соли 2024 дар толори маҷлисгоҳи бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз тарафи масъулини Кумитаи андози назди Ҳукумати Ҷумҳурии Тоҷикистон семинари омӯзишӣ дар мавзӯи «Низоми андозбандии Ҷумҳурии Тоҷикистон» баргузор карда шуд, ки зимни он роҳбарияти ҳарду ниҳод ва ҳайяти васеи кормандони Агентӣ ширкат варзиданд.
Чорабиниро муовини раиси Кумитаи андози назди Ҳукумати Ҷумҳурии Тоҷикистон Маликзода Нарзулло ҳусни оғоз бахшиданд ва дар идомаи чорабинӣ масъулини Кумита вобаста ба масъалаҳои низоми андозбандӣ дар мамлакат, моҳияи Кодекси андози Ҷумҳурии Тоҷикистон, шаклҳои назорати андоз ва дигар масъалаҳои мухталиф ибрози андеша намуданд.
Дар маҷмӯъ, чорабинӣ дар фазои илмиву мубоҳисавӣ сурат гирифта, гузаронидани он барои тақвият ва мукаммал гардонидани донишу таҷрибаи кормандони Агентӣ дар самти ошкору тафтиши пешакии ҷиноятҳои ба андоз алоқаманд заминаи мусоид фароҳам меоварад.
Маркази матбуоти Агентӣ
Чоп намудан
E-mail
.
Санҷиши молиявию - хоҷагидорӣ дар фаъолияти шуъбаи кишоварзии Мақомоти иҷроияи ҳокимияти давлатии ноҳияи Фархор нишон дод, ки аз моҳи октябри соли 2023 то моҳи марти соли 2024 аз ҳисоби воситаи фондҳои кӯмаки хориҷии Ассотсиатсияи Байналмиллалии Рушд ба шуъбаи кишоварзии МИҲД Мақомоти иҷроияи ҳокимияти давлатии ноҳияи ноҳияи Фархор 374 999 кг тухмиҳо ва нуриҳои минералӣ ворид гашта, он барои нигоҳдорӣ ва тақсимоти минбаъда ба хоҷагиҳои деҳқонии осебпазири ноҳия ба мутахассиси пешбар - муҳосиби ҳамин шуъба Исмоилов Т.С. вобаста карда шуд.
Дар ин муддат, Исмоилов Т.С. қасдан ва бо мақсади тасарруфи маблағҳои фонди кӯмаки хориҷӣ, ҳамчун шахси масъулияти моддидошта ба ҳисоб рафта, аз тухмиҳо ва нуриҳои минералии вобасташуда миқдори 247297 кг-ро ба хоҷагиҳои тибқи рӯйхат пешбинишуда тақсим намуда, боқимонда 20805 кг тухмиҳо ва нуриҳои менералиро бо арзиши умумии 204 822 сомонӣ бо роҳи сохтакории ҳуҷҷатҳои муҳосибӣ тасарруф карда, ба эҳтиёҷоти шахсиаш сарф намуд.
Вобаста ба ҳолати мазкур нисбати Исмоилов Т.С. бо моддаҳои 257 қисми 3 банди «в», 314 қисми 1 ва 323 КҶ Ҷумҳурии Тоҷикистон парвандаи ҷиноятӣ оғоз карда шуда, он баъди анҷоми тафтишоти пешакӣ барои моҳитан баррасӣ намудан ба суд ирсол карда шудааст.
Чоп намудан
E-mail
.
Бо гузаронидани чорабиниҳои оперативӣ - ҷустуҷӯӣ муайян карда шуд, ки директори Муассисаи давлатии “Хоҷагии ҷангал ба номи М.Худойназаров”-и ноҳияи Варзоб Қурбонов Р.Ш. зимни фаъолияти кориаш моҳи майи соли 2024 аз шаҳрванд А.О. барои аз ҳисоби заминҳои чарогоҳи ҳамин Муассиса ба иҷора додани 200 га қитъаи замин ба муҳлати 20 сол маблағи 20000 сомониро ба сифати пора талаб намуда, худи ҳамон вақт дар ду маврид ҷамъ маблағи 10000 сомониро гирифтааст.
Дар ин асно, аз ҳисоби кормандони мақомот гурӯҳи оперативӣ – тафтишотӣ таъсис дода шуда, бо гузаронидани чорабиниҳои дахлдор Қурбонов Р.Ш. баъди иловатан гирифтани маблағи 10000 сомонӣ аз шаҳрванд А.О. дар утоқи кории худ дастгир гардида, далелҳои шайъӣ аз ӯ ёфта гирифта шуд.
Оиди ҳолати мазкур нисбати Қурбонов Р.Ш. бо моддаи 319 қисми 1 КҶ Ҷумҳурии Тоҷикистон парвандаи ҷиноятӣ оғоз карда шуда, он баъди анҷоми тафтиши пешакӣ барои моҳиятан баррасӣ намудан ба суд ирсол гардидааст.
Чоп намудан
E-mail
.
Вакили Маҷлиси вакилони халқи вилояти Суғд аз ҳавзаи интихоботии “Саразм”, №29 - Усмонов Қ.И. дар асоси фармоиши директори Агентии беҳдошти замин ва обёрии назди Ҳукумати Ҷумҳурии Тоҷикистон аз 19 сентябри соли 2019, №45 то инҷониб дар вазифаи сардори Идораи давлатии беҳдошти замин ва обёрии ҳавзаи дарёи Зарафшон (минбаъд - ИДБЗ ва ОҲДЗ) фаъолият намуда, даст ба содир намудани ҷиноятҳои азонихудкунӣ ва сохтакории хизматӣ задааст.
Чунончи, Усмонов Қ.И. қасдан ва бо мақсади тасарруфи маблағҳои буҷетӣ зимни иҷроиши корҳои сохтмонӣ дар иншооти “Сохтмони пойгоҳи обкашӣ дар мавзеи Дашти Қозии шаҳри Панҷакент” қубурҳои қаблан истифодашударо бо нархи нисбатан арзон харидорӣ намуда, дар як маврид фарқияти маблағи 1 068 650 сомонии ба ин мақсад пешбинишударо, ки ба ў бовар карда супорида шуда, дар ихтиёраш қарор дошт, бо роҳи азонихудкунӣ ва сохтакории ҳуҷҷатҳои муҳосибӣ тасарруф намуд.
Оиди ин ҳолат нисбати Усмонов Қ.И. бо моддаҳои 245 қисми 4 банди “б” ва 323 КҶ Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ бо тасдиқи фикри айбдоркунӣ ба суд ирсол гардидааст.
Чоп намудан
E-mail
.
Рустамов Т.А. дар вазифаи директор оид ба меҳнат, муҳоҷират ва шуғли аҳолии ҶДММ “Гардуна” кору фаъолият намуда, дар давраи фаъолияти кориаш дар асоси маслиҳати пешакӣ бо директори генералии ҷамъият Арабов Б.Г., сармуҳосиби ҷамъият Хушқадамова Т.М. ва шаҳрванди Ҷумҳурии Чехия Васлав С. бо роҳи фиреб ба боварии 82 нафар шаҳрвандони Ҷумҳурии Тоҷикистон даромада, аз номбурдагон барои дар Ҷумҳурии Чехия бо ҷои кор таъмин намудан дар умум 98500 сомонӣ ва 50430 доллари ИМА гирифта, ба манфиати шаҳрвандон ягон амали муайянро иҷро накарда, ба онҳо зарари махсусан калони моддӣ расонидаанд.
Оиди ҳолати мазкур нисбати Рустамов Т.А. бо моддаи 247 қисми 4 банди “б” КҶ Ҷумҳурии Тоҷикистон парвандаи ҷиноятӣ оғоз карда шуда, баъди тасдиқи фикри айбдоркунӣ барои моҳиятан баррасӣ намудан ба суд фиристода шудааст.
Маркази матбуоти Агентӣ
Чоп намудан
E-mail
.
Аз 10 то 19 июни соли ҷорӣ бо ташаббуси Комиссияи муқовимат ба коррупсия ва ҳуқуқҳои маъдании Кореяи Ҷанубӣ барои кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон курсҳои омӯзишӣ дар якчанд шаҳрҳои ин кишвар гузаронида шуд.
Ҳамзамон, дар курсҳои омӯзишии мазкур кормандони Агентии муқовимат ба коррупсияи Ҷумҳурии Ӯзбекистон, Прокуратураи генералӣ ва Шӯрои судии Ҷумҳурии Озарбойҷон низ иштирок намуданд.
Машғулиятҳо аз тарафи омӯзгорон ва кормандони Комиссияи муқовимат ба коррупсия ва ҳуқуқҳои маъдании Кореяи Ҷанубӣ гузаронида шуданд, ки дар рафти он масъалаҳои муқовимат ба коррупсия, таҷрибаи Кореяи Ҷанубӣ дар самти муқовимат ба коррупсия ва тафтиши ҷиноятҳои коррупсиониву иқтисодӣ, поктинатӣ ва ростқавлии хизматчиёни давлатӣ ва дигар масъалаҳои муҳим мавриди баррасӣ қарор дода шуданд.
Дар умум, чорабинӣ дар фазои сулҳу субот ва эҳтироми ҳамдигар барпо гашта, аз натиҷаи он ба иштирокчиёни машғулиятҳо сертификат дар бораи хатми курсҳои омӯзишӣ барои мутахассисони байналмилалӣ дар самти муқовимат ба коррупсия супорида шуд.
Маркази матбуоти Агентӣ
Чоп намудан
E-mail
.
Санҷиши молиявию - хоҷагидорӣ дар фаъолияти Муассисаи давлатии Маркази татбиқи лоиҳаи “Дастрасӣ ба маблағгузории сабз ва маблағҳои рушди деҳот”-и назди Вазорати молияи Ҷумхурии Тоҷикистон нишон дод, ки Саидраҳмонов Ш.С. зимни фаъолияти кориаш дар вазифаи директори ҶДММ “Помир Трипс” моҳи апрели соли 2023 нақшаи тиҷоратӣ оиди ба “Рушди сайёҳии куҳӣ дар ВМКБ бо роҳи бунёди инфрасохтори мавсимӣ”-ро ба маблағи 24000 доллари ИМА тартиб дода, онро ба Маркази болозикр пешниход намуд, ки дар натиҷа созишномаи дутарафа оид ба пешниҳод намудани маблағи грантӣ ба имзо расонида шуда, дар ин асно ба суратҳисоби ҷамъият ҷамъ маблағи 209 541 сомонӣ гузаронида шуд.
Дар ин муддат, Саидраҳмонов Ш.С. қасди тасарруфи маблағои грантирҳо бо роҳи азонихудкунӣ назди худ пеша намуда, баъди ба ихтиёрдории худ қабул кардани маблағи болозикр бандҳои созишномаро қасдан иҷро накарда, молу ашёи арзишдорро ба маблағи умумии 154 591 сомонӣ харидорӣ накарда, ин миқдор маблағро тасарруф ва ба эҳтиёҷоти шахсиаш сарф кард, ки дар натиҷа бо ин кирдори қасдонаи худ ба давлат зарари махсусан калони моддӣ расонид.
Оиди ҳолати мазкур нисбати Саидраҳмонов Ш.С. бо моддаи 245 қисми 4 банд “б” КҶ Ҷумҳурии Тоҷикистон парвандаи ҷиноятӣ оғоз гардида, он баъди анҷоми тафтишоти пешакӣ барои моҳиятан баррасӣ намудан ба суд ирсол карда шуд.
Маркази матбуоти Агентӣ
Чоп намудан
E-mail
