.
Баҳри баланд бардоштани маърифати ҳуқуқии сокинони мамлакат пайваста аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон тадбирҳои зарурӣ роҳандозӣ мегардад. Яке аз василаҳои асосии расидан ба ҳадафи болозикр ин баргузор намудани
Конфронсу семинар, мизҳои мудаввар ва дигар чорабиниҳои таблиғотиву ташвиқотӣ ба ҳисоб рафта, бо ин роҳ диққати қишрҳои гуногуни ҷомеа дар масоили муқовимат ба коррупия боз ҳам бештар ҷалб карда мешавад.
Дар Кумитаи кор бо занон ва оилаи назди Ҳукумати Ҷумҳурии Тоҷикистон бо иштироки кормандони Агентӣ мизи мудаввар доир гардида, натиҷаи хулосаҳои экспертизаи давлатии зиддикорупсионӣ мавриди баррасӣ қарор дода шуданд.
Маълумоти бештар
Чоп намудан
E-mail
.
28 марти соли 2023 дар доираи Ёддошти тафоҳум байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Агентии муқовимат ба коррупсияи Ҷумҳурии Ӯзбекистон бо иштироки коршиносони мақомотҳои зикршуда ва намояндаи Агентии хизмати давлатии назди Президенти Ҷумҳурии Тоҷикистон вохӯрии маҷозӣ доир гардид.
Дар вохӯрӣ масъалаҳои татбиқи меъёрҳои поквиҷдонӣ дар хизмати давлатӣ, пешгирии бархӯрди манфиатҳо, қоидаҳои рафтор, фаъолияти самараноки сохторҳои назорати дохилии вазоратҳо ва муассисаҳои давлатӣ дар самти муқовимат ба коррупсия мавриди баррасӣ қарор гирифт.
Маълумоти бештар
Чоп намудан
E-mail
.
Давоми моҳи марти соли 2023 аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо мақсади муаррифии нуқтаҳои асосии Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохиилию хориҷии Ҷумҳурии Тоҷикистон” ба Маҷлиси Олии Ҷумҳурии Тоҷикистон, ки санаи 23 декабри соли 2022 ироа гардидааст, бо масъулини 15 ҷамоатҳои шаҳраку деҳоти мақомотҳои иҷроияи ҳокимияти давлатии шаҳри Ваҳдат ва ноҳияи Рӯдакӣ вохӯрии судманд доир гардид.
Дар ҷараёни вохӯри ба иштирокдорон мазмуну муҳтавои нуктаҳои Паёми Сарвари давлат дар бораи самтҳои асосии сиёсати дохилию хориҷии Ҷумҳурии Тоҷикистон, аз ҷумла таълиму тарбияи ҷавонон, илму маориф, ватандӯстиву ватанпарастӣ, адолати иҷтимоӣ, арзиши олӣ доштани ҳуқуқу озодиҳои инсон ва шаҳрванд, волоияти қонун ва амсоли инҳо, ки боиси баланд шудани масъулият ва ҳисси миллию ватандӯстӣ, маърифати сиёсӣ ва ҳуқуқии аҳолии мамлакат мегардад, фаҳмонида дод шуд.
Дар фарҷом иштирокчиён атрофи мавзӯъ ибрози андеша намуда, ба саволҳои худ посухҳои мушаххас гирифтанд.
Маркази матбуоти Агентӣ
Чоп намудан
E-mail
.
14 марти соли 2023 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон мулоқоти дуҷонибаи директори Агентӣ, генерал-лейтенанти адлия Султонзода Сулаймон Саид бо раиси Кумитаи тафтишотии Ҷумҳурии Беларус Гора Дмитрий Юревич баргузор гардид.
Зимни мулоқот ҳолат ва дурнамои муносибатҳои ҳамкории байни ду мақомот, аз ҷумла тақвияти ҷараёни ба имзо расонидани «Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Кумитаи тафтишотии Ҷумҳурии Беларус дар самти муқовимат ба коррупсия” мавриди баррасӣ қарор дода шуд.
Дар идома вобаста ба масъалаҳои мавриди таваҷҷуҳи тарафайн табодули афкор сурат гирифта, ҷонибҳо ба мувофиқа расиданд, ки ҳамкориҳои байниидоравиро дар доираи ин санади ҳамкории муштарак боз ҳам густариш диҳанд.
Маркази матбуоти Агентӣ.
Чоп намудан
E-mail
.
25 феврали соли 2023 тибқи Нақшаи тасдиқгардида аз ҷониби масъулини Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар толори маҷлисгоҳи бинои осоишгоҳи ҷумҳуриявии барқарорсозии бемориҳои дил дар ноҳияи Муъминободи вилояти Хатлон бо иштироки муовинони раиси ноҳия ва кормандони сохторҳои мақомоти иҷроияи ҳокимияти давлатӣ қабули сайёри шаҳрвандон баргузор гардид.
Қабули шаҳрвандон дар доираи талаботи Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» сурат гирифта, зимни он оид ба муроҷиатҳои шифоҳии шахсони воқеӣ талаботи санадҳои меъёрии ҳуқуқӣ фаҳмонида шуда, вобаста ба дигар мавзуъҳои муроҷиаткунандагон чораҳои дахлдор андешида шуд.
Илова бар ин, масъулини Агентӣ дар доираи сафари корӣ бо фаъолон ва кормандони муассисаю ташкилотҳои ҳудуди ноҳия вохӯрӣ баргузор намуда, талаботи санадҳои меъёрию ҳуқуқии зиддикоррупсионӣ, аз ҷумла Қонуни Ҷумҳурии Тоҷикистон “Дар бораи муқовимат ба коррупсия”, “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” ва дигар барномаҳои давлатиро дар ин самт ба самъи иштирокчиён расониданд.
Дар навбати худ аз шаҳрвандон даъват ба амал оварда шуд, ки дар кори муқовимат ба коррупсия, инчунин тарбияи ҷавонон дар рӯҳияи ватандустӣ, баланд бардоштани ҳисси миллӣ, пешгирии шомилшавии онҳо ба ҳизбу ҳаракатҳои ифтротӣ бетарафӣ зоҳир накарда, барои ояндаи дурахшони ватани азизамон саҳми арзандаи хешро гузоранд.
Маркази матбуоти Агентӣ
Чоп намудан
E-mail
.
Бо мақсади баланд бардоштани маърифати зиддикоррупсионӣ ва таблиғу ташвиқи сиёсати давлатӣ масъулини Агентӣ бо донишҷуён ва магистрантони Академияи идоракунии давлатии назди Президенти Ҷумҳурии Тоҷикистон, устодони факултетҳои ҳуқуқшиносӣ, фалсафа, механикаю мамематика, молиявию иқтисодӣ, иқтисод ва идора, баҳисобгирӣ ва иқтисоди рақамӣ, геология, филология, забон ва адабиёти рус, забонҳои Осиё ва Аврупо ва журналистикаи Донишгоҳи миллии Тоҷикистон сӯҳбату вохӯриҳои судманд анҷом доданд.
Ба ҳозирин роҳу усулҳои муосири муқовимат ба коррупсия, моҳият ва мазмуни Қонуни Ҷумҳурии Тоҷикистон “Дар бораи муқовимат ба коррупсия”, барномаҳои давлатии зиддикоррупсионӣ, аз ҷумла “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” ва Нақша чорабиниҳои амалисозии он барои марҳилаи якум (солҳои 2021-2025) фаҳмонида шуда, дар навбати худ иштирокчиён низ доир ба мавзӯъ ибрози андеша намуданд.
Чорабиниҳои болозикр ба таври мубоҳисавӣ сурат гирифта, ба саволҳои пешниҳодгардида ҷавобҳои мушаххас дода шуд.
Маркази матбуоти Агентӣ
Чоп намудан
E-mail
.
3 феврали соли 2023 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон мулоқоти дуҷонибаи директори Агентӣ, генерал-лейтенанти адлия Султонзода Сулаймон Саид бо сафири Фавқуллода ва Мухтори Шоҳигарии Арабистони Саудӣ дар Ҷумҳурии Тоҷикистон Валид бин Абдураҳмон ал-Решайдон баргузор гардид.
Сараввал директори Агентӣ ҷаноби сафирро ба муносибати таъйин шудан ба ин вазифаи пурмасъули давлатӣ табрику муборакбод намуда, дар иҷрои вазифаҳои муҳим барору комёбиҳо таманно намуданд.
Сипас масъалаҳои мавриди таваҷҷуҳи муштарак, инчунин ҳамкориҳои дуҷониба ва бисёрҷониба дар самти муқовимат ба коррупсия, аз ҷумла тақвияти ҷараёни ба имзо расонидани Ёддошти тафоҳуми ҳамкорӣ байни Агентӣ ва мақомоти махсусгардонидашудаи мубориза бо коррупсияи Шоҳигарии Арабистони Саудӣ дар самти муқовимат ба коррупсия баррасӣ карда шуд.
Дар хотимаи мулоқот ҷонибҳо ҷиҳати рушди робитаҳои дуҷониба дар самти муқовимат ба коррупсия изҳори боварӣ намуданд.
Маркази матбуоти Агентӣ.
Чоп намудан
E-mail
.
Дар шаҳри Ҷиддаи Шоҳигарии Арабистони Саудӣ “Конфронси роҳбарони ниҳодҳои марбутаи кишварҳои узви Созмони Ҳамкории Исломӣ оид ба мубориза бо коррупсия” ҷараён дошта, баргузории чорабинии мазкур дар рӯзҳои 20-21 декабри соли 2022 пешбинӣ шудааст.
Мақсад аз баргузории конфронс қабули Конвенсияи Макка оид ба ҳамкорӣ байни мақомотҳои зиддикоррупсионии узви Созмони Ҳамкории Исломӣ буда, дар он намояндагони зиёда аз 50 давлати узви ин Созмон иштирок намуда истодаанд.
Ҳайати кормандони мақомоти назорати давлатии молиявӣ ва мубориза бо коррупсияи Ҷумҳурии Тоҷикистон зери роҳбарии директори Агентӣ, генерал-лейтенанти адлия Султонзода Сулаймон Саид Ҷумҳурии Тоҷикистонро дар ин чорабинӣ намояндагӣ менамоянд.
Дар кори конфронс директори Агентӣ Султонзода Сулаймон Саид доир ба сиёсати зиддикоррупсионии Ҷумҳурии Тоҷикистон баромад намуда, иброз кард, ки муқовимат ба коррупсия қисми таркибии сиёсати дохилӣ ва хориҷии Ҷумҳурии Тоҷикистон маҳсуб ёфта, кишвари мо омода аст бо созмону ташкилотҳои байналмилалие, ки дар самти муқовимат алайҳи ин падидаи манфур фаъолият мебаранд, ҳамкориҳои судмандро ба роҳ монад.
Иштирокчиён ба кори конфронс баҳои баланд дода, онро имкони хубе барои ҳалли масъалаҳои мавриди таваҷҷуҳи тарафайн дар самти муқовимат ба коррупсия ва барқарор намудани робитаҳои корӣ ва дӯстона бо мақомоти дахлдори кишварҳои узви Созмон маънидод намуданд.
Маркази матбуоти Агентӣ.
Чоп намудан
E-mail
