26 июля 2023 .
Баланд бардоштани сатҳ ва сифати хизматрасонии тиббӣ ба аҳолӣ яке аз самтҳои муҳими фаъолияти Ҳукумати кишвар буда, ба раванди ислоҳоти соҳаи тиб, истифодаи мақсадноку самарабахши маблағҳои давлативу лоиҳаҳои сармоягузорӣ ва пешгирии ҳодисаҳои коррупсионӣ таваҷҷуҳи зиёд зоҳир мегардад.
Аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон пайваста баҳри баланд бардоштани маърифати ҳуқуқии кормандони соҳаи тандурустӣ чорабиниҳои таблиғотиву ташвиқотӣ доир карда шуда, мафҳуму моҳияти санадҳои меъёрию ҳуқуқӣ ва барномаҳои зиддикоррупсионӣ ба саъми кормандон расонида мешавад.
Бо ин мақсад дар Муассисаи давлатии маркази саломатии шаҳрии №1 бо иштироки доираи васеи кормандон семинари омӯзишӣ баргузор гардида, ба ҳозирин нуқтаҳои асосии Қонуни Ҷумҳурии Тоҷиикистон “Дар бораи муқовимат ба коррупсия”, аз қабили мафҳумҳои асосӣ, принсипҳои муқовимат ба коррупсия, субъектҳои муқовимат ба коррупсия ва дигар масъалаҳои фарогири қонуни мазкур шарҳу тавзеҳ дода шуд.
Дар доираи чорабинии болозикр иштирокчиён доир ба мавзӯъ фикру андешаҳои хешро баён дошта, ба саволҳои пешниҳоднамуда ҷавобҳои мушаххас гирифтанд.
Маркази матбуоти Агентӣ
11 июля 2023 .
Баргузории ҷорабиниҳои мазкур бо мақсади муаррифии нуқтаҳои асосии Қонуни Ҷумҳурии Тоҷиикистон “Дар бораи муқовимат ба коррупсия”, аз қабили мафҳумҳои асосӣ, принсипҳои муқовимат ба коррупсия, субъектҳои муқовимат ба коррупсия ва дигар масъалаҳои фарогири қонуни мазкур буда, бо мақсади пешгирии ҳолатҳои коррупсионӣ дар соҳаҳои тандурустӣ ба масъулин тавсияҳо ва дастурҳои мушаххас дода шуд.
Дар доираи вохӯриҳои зикргардида, иштирокчиёни чорабинӣ ба саволҳои худ ҷавобҳои мушаххас гирифтанд.
Маркази матбуоти Агентӣ
07 июля 2023 .
Дар мулоқот ҳолат ва дурнамои рушди ҳамкориҳои муштарак мавриди баррасӣ қарор дода шуда, вобаста ба пешгирӣ, ошкор ва тафтиши парвандаҳои ҷиноятии хусусияти коррупсионидошта инчунин дигар масъалаҳои мубрами мавриди таваҷҷуҳи тарафайн мубодилаи афкор сурат гирифт.
Ҷонибҳо ба мувофиқа расиданд, ки баҳри мустаҳкам намудани робитаҳои дуҷониба дар ояндаи наздик байни Агентӣ ва Прокуратураи генералии Федератсияи Россия санади ҳамкорӣ дар самти муқовимат ба коррупсия омода карда шуда ба имзо расонида шавад.
Маркази матбуоти Агентӣ.
21 июня 2023 .
Пас аз шиносоӣ масъалаҳои вобаста ба ҳуқуқвайронкуниҳои коррупсионӣ, риояи меъёрҳои қонунгузории Ҷумҳурии Тоҷикистон аз ҷониби шахсони воқеӣ ва ҳуқуқии Ҷумҳурии Мардумии Чин ва дигар мавзӯҳои қобили таваҷҷуҳи тарафайн мавриди муҳокима ва баррасӣ қарор дода шуд.
Ҷонибҳо ба рушду тавсеи ҳамкориҳои мутақобилаи судманд дар самти муқовимат ба коррупсияи фаромиллӣ таваҷҷуҳи хоса зоҳир карда, барои дар доираи санадҳои ҳамкории дуҷониба густариш додани он омодагии хешро изҳор намуданд.
Маркази матбуоти Агентӣ
12 июня 2023 .
Зимни вохӯрӣ ҳолати иҷрои қарорҳои Шӯрои ҳамоҳангсозии роҳбарони мақомоти тафтиши молиявии давлатҳои аъзои Иттиҳоди Давлатҳои Мустақил ва дигар масоили вобаста ба коррупсия мавриди баррасӣ қарор гирифта, ба самаранокии ҳамкории байналмилалӣ дар самти мубориза бо ин падидаи номатлуб диққати махсус зоҳир карда шуд.
Ҷонибҳо нақши Шӯрои мазкурро дар таҳкими сулҳу субот ва амнияти иқтисодӣ баланд арзёбӣ карда, ба густариши ҳамкориҳои минбаъда изҳори умедворӣ намуданд.
Маркази матбуоти Агентӣ
12 июня 2023 .
Аснои вохӯрӣ ҳайати расмии Агентӣ аз шароити кории кормандони Прокуратураи генералии Ҷумҳурии Беларус шиносоӣ пайдо карда, дар идома рафти иҷрои муқаррароти “Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус дар самти муқовимат ба коррупсия” мавриди баррасӣ қарор гирифт.
Ҷонибҳо дар доираи Созишномаи болозикр ба тафтиши парвандаҳои ҷиноятии коррупсионӣ ва иқтисодии хусусияти коррупсионидошта, инчунин расонидани ёрии ҳуқуқӣ бо парвандаҳои ҷиноятӣ диққати махсус зоҳир карда, аз ҳолати кунунӣ ва дурнамои рушди ҳамкории мутақобилаи судманд дар самти муқовимат ба коррупсия изҳори қаноатмандӣ намуданд.
Маркази матбуоти Агентӣ
10 июня 2023 .
Дар чорабинӣ намояндагони мақомоти ҳифзи ҳуқуқ, муассисаҳои олӣ ва дигар ниҳодҳои давлатии Ҷумҳуриҳои Беларус, Ӯзбекистон, Озарбойҷон ва Федератсияи Россия ҳузур дошта, ҳайати расмии Агентии назорати давлалии молиявӣ ва мубориза бо коррупсияи Ҷумҳурии Тоҷикистон бо роҳбарии директори Агентӣ генерал-лейтенанти адлия Султонзода Сулаймон Саид иштирок намуданд.
Иштирокчиён роҳҳои таҳкими ҳамкории байналмилалӣ ва минтақавиро дар самти тафтиши пешакии парвандаҳои ҷиноятӣ мавриди баррасӣ ва муҳокимаронӣ қарор дода, нақши Конфронсро дар баланд бардоштани донишу малакаи касбӣ назаррас арзёбӣ намуданд.
Маркази матбуоти Агентӣ
09 июня 2023 .
Зимни мулоқот ҷонибҳо маҷмӯи масъалаҳои муҳими ҳамкории дуҷонибаро дар самти муқовимат ба коррупсия ва дигар масъалаҳои қобили таваҷҷуҳи тарафайн мавриди муҳокима ва баррасӣ қарор доданд.
Бо мақсади таҳкими заминаи ҳуқуқии робитаҳои ду мақомот «Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Кумитаи тафтишотии Ҷумҳурии Беларус дар самти муқовимат ба коррупсия” ба имзо расонида шуд.
Чорабинӣ дар фазои дӯстӣ ва ҳусни тафоҳум ҷараён гирифта, изҳори итминон карда шуд, ки Созишномаи мазкур барои мустаҳкам намудани равобити байни ду мақомот дар ҳалли мушкилоти марбут ба коррупсияи фаромиллӣ саҳми арзанда хоҳад гузошт.
Маркази матбуоти Агентӣ.
Баланд бардоштани сатҳ ва сифати хизматрасонии тиббӣ ба аҳолӣ яке аз самтҳои муҳими фаъолияти Ҳукумати кишвар буда, ба раванди ислоҳоти соҳаи тиб, истифодаи мақсадноку самарабахши маблағҳои давлативу лоиҳаҳои сармоягузорӣ ва пешгирии ҳодисаҳои коррупсионӣ таваҷҷуҳи зиёд зоҳир мегардад. 
Дар асоси Нақшаи баргузории чорабиниҳои маърифатӣ-иттилоотии зиддикоррупсионии Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, аз ҷониби кормандони мақомот дар раёсати тандурустии шаҳри Душанбе ва Муассисаи давлатии таълимии “Коллеҷи тиббии шаҳри Бохтар” бо иштироки сардор, муовинон ва кормандони зертобеъ сӯҳбату вохӯрӣ дар мавзуи шарҳи Қонуни Ҷумҳурии Тоҷикистон “Дар бораи муқовимат ба коррупсия” доир карда шуд.
4 июли соли 2023 дар шаҳри Екатеринбурги Федератсияи Россия мулоқоти дуҷонибаи директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо Прокурори генералии Федератсияи Россия Краснов Игор Викторович баргузор гардид.
21 июни соли 2023 дар дастгоҳи марказии Агентии назорати далатии молиявӣ ва мубориза бо коррупсияи Ҷумҳурии Тоҷикистон мулоқоти директори Агентӣ генерал-лейтенанти адлия Султонзода Сулаймон Саид бо Сафири Фавқулодда ва Мухтори Ҷумҳурии Мардумии Чин дар Ҷумҳурии Тоҷикистон ҷаноби Тзи Шумин доир гардид. 
12 июни соли 2023 дар шаҳри Мински Ҷумҳурии Беларус вохӯрии дуҷонибаи директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо раиси Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои Иттиҳоди Давлатҳои Мустақил-раиси Кумитаи назорати давлатии Ҷумҳурии Беларус-директори Департаменти тафтиши молиявӣ Маршалов Игор Анатольевич баргузор гардид.
12 июни соли 2023 дар шаҳри Мински Ҷумҳурии Беларус директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо Прокурори генералии Ҷумҳурии Беларус Швед Андрей Иванович мулоқот намуд.
9 июни соли 2023 дар шаҳри Мински Ҷумҳурии Беларус Конфронси III байналмилалии илмӣ-амалии «Фаъолияти тафтишотӣ: илм, маориф, амалия» баргузор гардид. 
Имрӯз дар шаҳри Мински Ҷумҳурии Беларус мулоқоти дуҷонибаи директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид бо раиси Кумитаи тафтишотии Ҷумҳурии Беларус Гора Дмитрий Юрьевич баргузор гардид.