Қабули сайёри шаҳрвандон дар ноҳияи Спитамени вилояти Суғд

Мутобиқи банди 10 Нақша-чорабиниҳо оид ба ташкил ва гузаронидани қабули шахсӣ аз ҷониби масъулини Агентии назорати давлатии молиявӣ ва  мубориза бо коррупсияи Ҷумҳурии Тоҷикистон дар шаҳру ноҳияҳои ҷумҳурӣ дар соли 2023 аз тарафи сардори шуъбаи навбатдории оперативӣ ва изолятор (тавқифгоҳ)-и  нигоҳдории муваққатии Агентӣ, Маҳмадуллозода Неъматулло Ҳикматулло ва нозири шуъбаи коргузорӣ ва қабули муроҷиатҳои шахсони воқеию ҳуқуқии Агентӣ, Қодирӣ Ҳусейн Абдусалом санаи 28 октябри соли 2023 дар ноҳияи Спитамени вилояти Суғд қабули шахсии сайёри шаҳрвандон гузаронида шуд.

 

Чорабинии мазкур дар толори маҷлисгоҳи бинои мақомоти  иҷроияи ҳокимияти давлатӣ бо иштироки раиси ноҳия Нуъмонзода Темурҷон, муовини якум ва муовинон, масъулини сохторҳои мақомоти иҷроияи ҳокимияти давлатӣ баргузор гардида, зимни қабул шаҳрвандон оид ба масъалаҳои мухталиф, аз ҷумла оид ба ҷудо намудани қитъаҳои замин барои нуқтаи сузишворӣ, шустушӯи воситаи нақлият, баҳси заминҳои кишт, таъмин намудан бо барқи доими ва кӯмакҳои молиявӣ муроҷиат намуданд.

 

Ҳангоми қабул ба муроҷиаткунандагон талаботи қонунгузории ҷорӣ фаҳмонида дода шуда, ҷиҳати ҳалли масъалаҳои матраҳгардида тавсия ва дастурҳо дода шуданд.

 

Маркази матбуоти Агентӣ

Чоп намудан E-mail

Вохӯрии раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо кормандони мақомот

27 октябри соли 2023 дар толори маҷлисгоҳи дастгоњи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар доираи нақшаи баргузории мулоқоту вохӯриҳо байни кормандони вазорату идораҳо ва ташкилоту муассисаҳои ҷумҳуриявӣ бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода вохӯрии судманд бо кормандони Агентӣ гузаронида шуд.

 

Чорабинии мазкур таҳти унвони “Тарбияи ватандӯстии шаҳрвандон – омили пояҳои давлатдории миллӣ” баҳри татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” сурат гирифта, вобаста ба зарурати қабули ин қонун, ҳадаф, принсипҳо ва самтҳои тарбияи ватандӯстӣ, баланд бардоштани ҳуввияти миллӣ, маърифати сиёсию ҳуқуқӣ, зиракии сиёсӣ, пешгирии ҷинояту қонуншиканиҳо, пешгирии шомилшавии баъзе ҷавонон ба ҳизбу ҳаракатҳои иртиҷоӣ раиси Кумита ибрози андеша намуд.

 

Дар идомаи чорабинӣ барои фаъолияти арзанда ва судманд ба як қатор кормандони ҷавони Агентӣ сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим гардида, даъват ба амал оварда шуд, ки баҳри тарбияи ватандӯстии шаҳрвандон ва ҳифз намудани арзишҳои миллӣ саҳмгузор бошем.

 

Маркази матбуоти Агентӣ

Чоп намудан E-mail

Мулоқоти роҳбарияти Агентӣ бо ҳайати расмии Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон

24 октябри соли 2023 дар доираи Нақшаи чорабиниҳо оид ба амалисозии “Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон дар самти мубориза бо ҷиноятҳои иқтисодӣ ва коррупсия” барои солҳои 2023-2024 вохӯрии дуҷонибаи роҳбарияти Агентӣ ва Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон доир гардид.

 

Зимни вохӯрӣ масъалаҳои ҳамкориҳои воҳидҳои наздисарҳадии мақомоти ду кишвар ва рафти иҷрои бандҳои Нақшаи болозикр мавриди баррасӣ қарор гирифта, вобаста ба корҳои анҷомдодашуда дар соли сипаригардида мубодилаи афкор сурат гирифт.

 

Қайд гардид, ки созишномаи ҳамкории мутақобила барои баланд бардоштани донишу малакаи мутахассисони ҳарду ҷониб, махсусан дар самти мубориза бо ҷиноятҳои иқтисодӣ ва муқовимат ба коррупсия таъсири мусбӣ расонида, таҷрибаи андӯхта дар ин самтҳо ба беҳтар намудани фаъолият мусоидат намуд.

 

Вохӯрӣ дар фазои дӯстиву бародарӣ ва ҳусни тафоҳум сурат гирифта, ҷонибҳо азму иродаи хешро ба рушди бемайлони робитаҳои судманд баён намуданд.

 

Маркази матбуоти Агентӣ

 

 

 

 

 

 

 

 

 

Чоп намудан E-mail

Баргузории чорабинии маърифатӣ-иттилоотии зиддикоррупсионӣ бо ииштироки намояндаи Агентӣ

Дар асоси Нақшаи баргузории чорабиниҳои маърифатӣ-иттилоотии зиддикоррупсионии Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар Муассисаи давлатии “Маркази миллии бемориҳои сил, шуш ва ҷарроҳии қафаси сина” бо иштироки масъулини Агентӣ, сардори раёсати амнияти санитарӣ, эпидемологӣ ва ҳолатҳои фавқуллодаи вазорати болозикр, намояндаи шуъбаи Вазорати корҳои дохилӣ  дар шаҳри Ваҳдат, муовин ва ҳайати шахсии Маркази болозир омӯзиши санадҳои меъёрии ҳуқуқӣ дар самти муқовимат ба коррупсия доир карда шуд.

 

Дар доираи чорабинии мазкур ба иштирокчиён мафҳуми меъёрҳо ва муқаррароти  Қонуни  Ҷумҳурии Тоҷикистон “Дар бораи муқовимат ба коррупсия”, барномаи давлатии зиддикоррупсионӣ,  боби 38 Кодекси  ҳуқуқвайронкунии маъмурии  Ҷумҳурии Тоҷикистон (ҳуқуқвайронкунии маъмурӣ вобаста ба коррупсия) ва Методологияи тартиб ва методикаи гузаронидани таҳлили фаъолият (хавфҳои коррупсионӣ) шарҳу тавзеҳ  дода шуда, байни маърӯзачиён ва иштирокчиён атрофи саволҳои алоҳида муколама баргузор гардид.

 

Маркази матуоти Агентӣ

Чоп намудан E-mail

Иштироки намояндаи Агентӣ дар Ҷаласаи Шабакаи зиддикоррупсионии Созмони Ҳамкории Иқтисодӣ ва Рушд

3-5 октябри соли 2023 намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар “Ҷаласаи Шабакаи зиддикоррупсионии Созмони Ҳамкории Иқтисодӣ ва Рушд”, ки дар шаҳри Парижи Ҷумҳурии Фаронса баргузор гардид, иштирок ва суханронӣ намуд.

 

Чорабинӣ, ки дар доираи Нақшаи Истамбулии амалҳои (НИА) Шабакаи зиддикоррупсионии Созмони Ҳамкории Иқтисодӣ ва Рушд (СҲИР) барои давлатҳои Аврупои Шарқӣ ва Осиёи Марказӣ баргузор гардид, давраи 5-уми мониторинги ҷумҳуриҳои Арманистон, Озарбойҷон, Молдова ва Украина вобаста ба иҷрои тавсияҳои пешниҳоднамудаи Созмон мавриди муҳокима қарор гирифта, баргузории 28-умин нишасти Гурӯҳи роҳбарикунандаи Шабака ба нақша гирифта шуд.

 

Зимнан чорабинии мазкур дар фазои дӯстиву ҳамҷаворӣ сурат гирифта, дар назар аст, ки мониторинги ҷумҳуриҳои Тоҷикистон, Ӯзбекистон, Қазоқистон, Қирғизистон ва Муғулистон оид ба тавсияҳои СҲИР дар соли 2024 доир гардад.

 

Маркази матбуоти Агентӣ

 

 

 

Чоп намудан E-mail

Машварати корӣ дар КВД «Амонатбонк»

Бо мақсади таъмини татбиқи санадҳои меъёрии ҳуқуқии зиддикоррупсионб, аз ҷумла “Методологияи тартиб ва методикаи гузаронидани таҳлили фаъолият (хавфҳои коррупсионҳ)” ва “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар КВД «Амонатбонк» машварати корӣ аз ҷониби кормандони Агентӣ доир гардид.

 

Дар чорабинии мазкур роҳу усулҳои ошкор ва бартараф намудани хавфҳои коррупсионӣ, татбиқи барномаи давлатии зиддикоррупсионӣ, таҳияи ҳисобот ва нақшаи мукаммал дар ин самт ба иштирокчиён фаҳмонида шуда, ба онҳо тавсияҳои муфид дода шуд.

 

Дар фарҷом иштирокчиён доир ба мавзӯъ фикру мулоҳизаҳои хешро иброз намуда, ба саволҳои пешниҳоднамудаашон посухҳои мушаххас гирифтанд.

 

Маркази матбуоти Агентӣ

 

 

 

 

Чоп намудан E-mail

Сӯҳбату вохӯрии судманд бо кормандони соҳаи тандурустӣ дар шаҳри Панҷакент

Дар асоси Нақшаи баргузории чорабиниҳои маърифатӣ-иттилотии зиддикоррупсионии Агентӣ ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон моҳи сентябри соли ҷорӣ бо кормандони беморхонаҳо, марказҳои саломатӣ, Шабакаи кӯмаки аввалияи тиббию санитарӣ, Маркази назорати давлатии санитарию эпидемиологӣ ва Коллеҷи тиббии шаҳри Панҷакент дар мавзӯи “Муқовимат ба коррупсия кафили рушди соҳаи тандурустӣ” суҳбату вохӯрии судманд доир гардид.

 

Дар чорабинӣ кормандони Агентӣ доир ба чораҳои муқовимат ба коррупсия ва роҳҳои пешгирии ҳуқуқвайронкуниҳои коррупсионӣ дар соҳаи тандурустӣ, баланд бардоштани маърифати зиддикоррупсионии аҳолӣ ва ба ин васила паст намудани шиддати коррупсия ва татбиқи босамари барномаҳои давлатӣ дар самти муқовимат ба коррупсия бо маъруза баромад намуданд.

 

Дар идома доир ба хавфу хатари экстремизм ва терроризм ба ҷомеа, риояи қатъии Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, ҳифзи арзишҳои миллӣ ва истиқлолияти давлатӣ, баланд бардоштани ҳисси ватандӯстӣ ва даъвати ҷавонон ба хизмати ҳарбӣ корҳои тарғиботию ташвиқотӣ гузаронида шуд.

 

Дар фарҷом иштирокчиён доир ба мавзӯҳои болозикр фикру мулоҳизаҳои худро иброз намуда, ба саволҳои пешниҳоднамуда ҷавобҳои мушаххас гирифтанд.

 

Кормандони Агентӣ ба ҳозирин маводҳои иттилоотӣ оид ба оқибатҳои зараровари кирдорҳои коррупсиониро дастрас намуда, даъват ба амал оварданд, ки барои пешрафту шукуфоии ватани азизамон саҳми арзандаи хешро гузоранд.

 

Маркази матбуоти Агентӣ

 

 

 

 

 

Чоп намудан E-mail

ВОХӮРИИ НАМОЯНДАГОНИ АГЕНТӢ БО КОРМАНДОНИ СОҲАИ МАОРИФИ НОҲИЯИ ШАҲРИНАВ

Равандҳои сиёсиву ҷамъиятие, ки таи солҳои охир дар ҷаҳони имрӯза ба вуқуъ мепайванданд, ҷомеаи тоҷикро водор месозанд, ки ба тарбияи ҳуқуқии аҳолӣ диққати махсус дода шавад, зеро фақат дар ҳолати донистан ва дарк кардани ҳуқуқу вазифаҳои конститутсионии худ шаҳрвандони мо метавонанд, ки бо ҳисси масъулияти баланди ватандустӣ дар роҳи пешгирӣ ва муқовимат ба коррупсия саҳми арзандаи худро гузоранд.

 

Аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шуъбаи маорифи ноҳияи Шаҳринав бо иштироки роҳбарон ва муҳосибони муассисаҳои таълимии ҳудуди ноҳия баҳри баланд бардоштани маърифати ҳуқуқӣ, пешгирии амалҳои коррупсионӣ ва нақши соҳаи маориф дар баланд бардоштани маърифати зидди коррупсионии аҳолӣ сӯҳбату вохӯрӣ доир гардид.

 

Қайд карда шуд, ки мубориза бо коррупсия аз ҳар як фарди бо нангу номуси миллат, бахусус омӯзгорон ва зиёиён вобастагӣ дорад. Бинобар ин аз иштирокчиён даъват ба амал оварда шуд, ки барои пешгирӣ аз амалҳои коррупсионӣ фаъолнокӣ нишон дода, баҳри ҳифзи манфиатҳои милливу давлатӣ дониш ва неруи худро равона созанд.

 

Маркази матбуоти Агентӣ

 

 

 

Чоп намудан E-mail


Ҷустуҷӯ