Баргузории ҷаласаи VI Шӯрои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил

 

8 сентябри соли 2021 бо иштироки прокурорҳои генералии Ҷумҳуриҳои Арманистон, Беларус, Қирғизистон, Федератсияи Россия, директори Агентии Ҷумҳурии Қазоқистон оид ба муқовимат ба коррупсия ва роҳбарияти Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷаласаи VI Шӯрои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил тариқи маҷозӣ баргузор гардид.

Ҷаласаи мазкурро Прокурори генералии Ҷумҳурии Беларус Швед А.И. оғоз намуда, бо қарори дахлдор директори Агентии Ҷумҳурии Қазоқистон оид ба муқовимат ба коррупсия Ахметджанов М.М. ҳамчун раисикунандаи Шӯрои байнидавлатии муқовимат ба коррупсия дар солҳои 2021-2022 таъин карда шуд.

Сипас чорабинии болозикр таҳти раёсати директори Агентии Ҷумҳурии Қазоқистон оид ба муқовимат ба коррупсия Ахметджанов М.М. идома ёфта, дар он роҳбарияти Агентӣ вобаста ба таҷрибаи Ҷумҳурии Тоҷикистон дар самти муқовимат ба коррупсия суханронӣ карданд.

Дар охири ҷаласа ҷиҳати фаъолияти Шӯрои байнидавлатии муқовимат ба коррупсия дар соли 2022 қарорҳои дахлдор қабул карда шуда, барои таъмини иҷро ба аъзоёни Шӯро ирсол гардид.

Ҷаласа дар маҷмӯъ дар сатҳи баланд ва ҳамдигарфаҳмӣ сурат гирифта, умед аст, ки қарорҳои дар он қабулгардида ҷиҳати пурзур гардидани муқовимат ба коррупсия мусоидат хоҳад кард.

 Маркази матбуоти Агентӣ

 

 

Чоп намудан