Қочоқчиён ба даст афтиданд

 

 Гиёева Шабнам Камоловна бо қарори Суди ноҳияи Б.Ғафурови вилояти Суғд аз 28 феврали соли 2018 ва Қосимов Аброрбобо Ҳоҷибобоевич бо қарори Суди шаҳри Бустон аз 01 ноябри соли 2017 барои интиқоли ғайриқонунии мол аз сарҳади гумрукии Ҷумҳурии Тоҷикистон бо модддаи 577 КҲМ Ҷумҳурии Тоҷикистон гунаҳкор дониста шуда, нисбаташон ҷазо дар намуди ҷарима бо мусодираи ашёи ҳуқуқвайронкунии маъмурӣ таъин гардида, аз он ба худ хулосаи зарурӣ набароварда, дар ҳолатҳои зерин бо маслиҳати пешакӣ, даст ба содир намудани ҷиноят заданд.

Чунончӣ, 10 апрели соли 2018 Гиёева Шабнам Камоловна бо маслиҳати пешакӣ бо Қосимов Аброрбобо Ҳоҷибобоевич ва дигарон, бо мақсади ба даст овардани фоида аз шахси ба тафтишот номаълум аз ҳудуди деҳаи Борбордуки ноҳияи Лайлаки вилояти Баткенти Ҷумҳурии Қирғизистон ба миқдори калон як қатор ҷиҳозҳои техникии ашёи рузгорро харидорӣ намуда, онҳоро худи ҳамон рӯз аз деҳаи Борбордуки ноҳияи Лайлаки вилояти Баткенти Ҷумҳурии Қирғизистон бо роҳи пинҳонӣ бидуни назорати гумрукӣ ғайриқонунӣ ба воситаи нақлиёти боркаши тамғаи “Мерседес Спринтер”, таҳти идораи ронанда Насруллоев Зокир Зикруллоевич ва воситаи нақлиёти боркаши тамғаи “Мерседес Спринтер”,таҳти идораи худи Қосимов А.Ҳ. бо мақсади минбаъд ба фуруш баровардан ба бозори ҶДММ “Сомон”-и шаҳри Бустони вилояти Суғд интиқол намуданд, ки дастгир карда шуданд.
     Мувофиқи хулосаи филиали Суғдии Маркази Ҷумҳуриявии экспертизаи судӣ ва криминалистии назди Вазорати адлияи Ҷумҳурии Тоҷикистон аз 13.04 соли 2018, нархи бозории яхдонҳо ва мошинаҳои ҷомашӯии номбурда дар маҷмӯъ маблағи 92000 сомониро ташкил медиҳад.
  Оиди ҳолати мазкур нисбати Гиёева Шабнам Камоловна, Қосимов Аброрбобо Ҳоҷибобоевич ва дигарон бо моддаи 289 қисми 1-и КҶ Ҷумҳурии Тоҷикистон парвандаи ҷинояти оғоз гардида, тафтишот идома дорад