Вохӯрии Директори Агентӣ бо Сафири Давлати Фаластин дар Тоҷикистон

 

Санаи 19 ноябри соли 2020 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии Директори Агентӣ, генерал-майори адлия Султонзода Сулаймон Саид бо Сафири навтаъйини Давлати Фаластин дар Тоҷикистон ҷаноби Луай Исо баргузор гардид.

Дар вохӯрӣ ҷонибҳо доир ба масъалаи ҳамкориҳои дуҷонибаи Агентӣ бо Сафорати Давлати Фаластин дар Тоҷикистон, инчунин андешидани тадбирҳо ҷиҳати пешгирӣ ва мубориза бо коррупсия муколамаи судманд анҷом доданд. Дар як вақт ҷонибҳо зимни вохӯрӣ лоиҳаи Ёддошти тафоҳум байни Комиссияи зиддикоррупсионии Фаластин ва Агентии назорати давлатии молиявӣ ва мубориза бо коррупсияи Ҷумҳурии Тоҷикистонро мавриди баррасӣ қарор доданд.

Дар фарҷоми вохӯрӣ ба рушди бемайлони робитаҳои судманд изҳори умедворӣ карда шуд.

Вохӯрӣ дар фазои дӯстӣ ва ҳусни тафоҳум анҷом пазируфт.

 

           Маркази матбуоти Агентӣ.