03 ноябри 2023 .
Дар чорабинӣ роҳбарияти Агентӣ бо сухани табрикотӣ ҳайати шахсии Агентиро бо камоли эҳтиром ва таманниёти нек ба ифтихори ин ҷашни фархундаи таърихӣ табрику муборакбод гуфта, сиҳатмандиву хушбахтӣ, осудагии рӯзгор ва сарбаландиву барори кор таманно намуданд.
Қайд гардид, ки воқеан дар ин айёми начандон тӯлонӣ ба шарофати заҳмату талошҳои пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзишҳои волои ин ҳуҷҷати сарнавиштсоз ва муҳими сиёсӣ бо такя ба анъанаҳои миллии ниёгонамон барои эъмори давлати озоду мустақил ва таҳкими ҳокимияти конститутсионӣ дар кишвар заминаи боэътимоди ҳуқуқӣ фароҳам овард.
Маҳз аз ҳамин хотир гузаштагони тамаддунофари мо ҳамеша кӯшиш менамуданд, ки ин арзишҳои муқаддасро тавассути эъҷоди меъёрҳои ба манфиати ҷомеа равонагардида эмин нигоҳ доранд ва имрӯз ҳам гуфтан мумкин аст, ки ин анъанаи нек дар замони муосир идома дода шуда, меъёрҳое эҷоду қабул мешаванд, ки онҳо хоси мақсаду мароми миллати фарҳангсолори мо мебошад.
Дар ин замина қайд намудан ҷоиз аст, ки Конститутсияи имрӯза хосатан барои миллати худогоҳу худшиноси тоҷик, ки дорои таъриху фарҳанги бойи қадима мебошад, таҳия гардида, таҷассумгари ғояву арзишҳои миллии ҷомеа ва давлати озоди мо дар даврони навин маҳсуб меёбад.
Агар дар маҷмӯъ арзёбӣ карда шавад, Конститутсияи Ҷумҳурии Тоҷикистон нахустин Конститутсияи миллии тоҷикон ва давлати соҳибистиқлоли Тоҷикистон мебошад, ки ба суннатҳои миллӣ такя намуда, аз ваҳдати миллӣ, фарҳанги миллӣ ва анъанаҳои миллӣ пуштибонӣ менамояд ва барои таъмини якпорчагии ҳудуди миллӣ, ҳимояи соҳибихтиёрӣ, истиқлолият, амният, адолати конститутсионӣ ва иқтидори мудофиавӣ нақши ҳаётан муҳим дорад.
Барои миллати тоҷик ҳамин ғояҳои арзишманди меъёрҳои конститутсионӣ басанда аст, ки ба ин ҳуҷчати сарнавиштсоз ҳамчун Қонуни сатҳи олии давлат эҳтироми хоса дошта бошем ва онро ба ҳайси як муқаддасоти миллӣ ҳифз намоем.
Дар иртиботи ин баҳогузорӣ Пешвои муаззами миллатамон чунин ибрози назар намудаанд, ки: - «Эътирофи соҳибихтиёрии давлати Тоҷикистон ба воситаи Конститутсияи он, бешубҳа аз ҷумлаи арзишҳои гаронбаҳои миллат мебошад. Зеро маҳз соҳибихтиёриву истиқлолият барои миллат имконияти интихоби озодонаи роҳи пешрафти мустақилонаро фароҳам оварда, халқро ба ҷаҳониён ҳамчун соҳибдавлату соҳибқудрат муаррифӣ карда истодааст.».
Дар идомаи чорабинӣ кормандони Агентӣ бо маърузаҳои баландмазмун баромад намуда, фикру ақидаи худро оиди бузургӣ ва аҳамияти муҳими таърихӣ доштани ин санади олии ҳуқуқӣ иброз намуданд.
Маркази матбуоти Агентӣ
19 октябри 2023 .
Чорабинии мазкур бо суханҳои ифтиттоҳии муовини якуми директори Агентӣ, генерал-майори адлия Сафарзода С., муовини директори Агентии хизмати давлатӣ Аҳмадзода Д.Д. ва директори Донишкадаи такмили ихтисос ва бозомӯзии хизматчиёни давлатии Академияи идоракунии давлатии назди Президенти Ҷумҳурии Тоҷикистон Исматуллозода Ф. оғоз гардид.
Баланд бардоштани донишҳои назариявӣ ва маърифати зиддикоррупсионии шунавандагон бо роҳи шиносоӣ аз фаъолияти мақомот, инчунин пешгирии содиршавии кирдорҳои номатлуб ва ҷалби онҳо ба раванди муқовимат ба коррупсия ҳадафи асосии баргузории семинар маҳсуб меёбад.
Дар ин доира масъулини Агентӣ атрофи паҳлуҳои мухталифи сиёсати давлатӣ дар самти муқовимат ба коррупсия, вазъи содиршавии ҷиноятҳои коррупсионӣ ва тафтиши пешакии чунин ҷиноятҳо, пешгирии омилҳои ба коррупсия мусоидаткунанда ва роҳу усулҳои бартараф намудани онҳо маърўза намуданд.
Қайд гардид, ки коррупсия кайҳо масъалаи дохилидавлатӣ набуда, балки ба як падидаи фаромиллӣ мубаддал гаштааст, ки ба ҷомеа ва иқтисодиёти ҳамаи кишварҳо дахолат мекунад. Аз ин ҷост, ки Ҳукумати Ҷумҳурии Тоҷикистон муқовимат ба коррупсияро ҳамчун яке аз самтҳои афзалиятноки сиёсати давлатии худ қарор дода, пешгирии омилҳои ба он мусоидаткунандаро тадриҷан такмил дода истодааст. Дар ин ҷода аз хизматчиёни давлатӣ ва ҳар як фарди бонангу номуси кишвар танҳо тақозо мегардад, ки ба бетарафӣ ва таҳаммулпазирӣ нисбат ба амалҳои коррупсия роҳ надода, бо иродаи устувори худ бар зидди ин падидаи номатлуб муқовимат баранд.
Зимнан ба иштирокчиёни семинар баҳри пайвасти мубодилаи афкор ва пажўҳишҳои минбаъда, тарбияи зиддикоррупсионии ҷавонон, тақвияти ҳамкориҳои мақомоти давлатӣ дар кори муқовимат ба коррупсия майдони мусоид фароҳам оварда шуд.
Маркази матбуоти Агентӣ,
05 октябри 2023 .
Сараввал роҳбарияти Агентӣ ҷаласаи тантанавиро бо сухани ифтитоҳӣ оғоз карда, ҳозиринро ба ифтихори ҷашни ин санаи фархундапаю арзишманд барои миллати тоҷик табрику муборакбод намуданд.
Қайд гардид, ки забони тоҷикӣ аз унқи таърих бо шарофати фарзандони бо нангу номус ва ҷаҳоншумулаш бо ҳамон гунаи асили ноб то ба рӯзгори мо омада расидааст.
Маълумоти бештар
08 сентябри 2023 .
Пешвои миллат Эмомалӣ Раҳмон
8 сентябри соли 2023 дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки Ёрдамчии Президенти Ҷумҳурии Тоҷикистон оид ба масъалаҳои кадрҳо муҳтарам Асадулло Раҳмон ва ҳайати васеи кормандон бахшида ба таҷлили ҷашни 32-юмин солгарди Истиқлолияти давлатии Ҷумҳурии Тоҷикистон ҷамъомади тантанавӣ баргузор гардид.
Нахуст чорабиниро директори Агентӣ, генерал-лейтенанти адлия Султонзода Сулаймон Саид ҳусни оѓоз бахшида, бо шукургузорӣ соҳибистиқлолии Ватани аҷдодиамон кормандони мақомот ва тамоми мардуми шарифи Тоҷикистонро ба ифтихори ин санаи фараҳбахш табрику муборакбод гуфта, ба ҳамагон хонаободӣ, хушбахтиву пирӯзӣ, саодати зиндагӣ, табъи болида ва дар ҷоддаи фаъолият барору комёбиҳоро таманно намуданд.
Қайд гардид, ки дар воқеъ Истиқлолияти давлатӣ, ки дар асоси «Эъломияи Истиқлолияти Ҷумҳурии Тоҷикистон» санаи 9 сентябри соли 1991 бо Изҳороти Шӯрои Олии Ҷумҳурии Тоҷикистон «Дар бораи Истиқлолияти давлатии Ҷумҳурии Тоҷикистон» қабул гардид, барои халқи тоҷик пойдевори асосии эҳёи миллӣ ва кулли дастовардҳо дар тамоми самту соҳаҳои ҳаёти сиёсӣ, иҷтимоӣ, иқтисодӣ ва фарҳангӣ маҳсуб меёбад.
Бо дарки қадру манзалати ин неъмат вожаи «Истиқлолият»-ро Асосгузори сулҳу ваҳдати миллӣ - Пешвои маҳбуби миллат, Президенти Ҷумҳурии Тоҷикистон муҳтарам Эмомалӣ Раҳмон ба маънои том, хеле возеҳу равшан ва нишонрас ифода карда, онро чунин арзёбӣ намудаанд, ки: «Истиқлолият - ин шарафу номуси ватандорӣ, ифтихор аз давлату миллати хеш ва талошу заҳмати бардавоми ҳар як фарди бедордили ҷомеа баҳри худшиносӣ, маърифат ва фарҳанги волост. Истиқлолият - ин хонаи обод, рӯи сурх, сари баланд, зиндагии осоиштаи шахсӣ ва соҳибдавлату соҳибватан аст».
Аз ҳозирин даъват ба амал оварда шуд, ки ҳифзи истиқлолу озодии Тоҷикистони маҳбубамон ва дастовардҳои он - сулҳу оромӣ, суботи сиёсӣ ва ваҳдати миллӣ бояд қарзи инсонӣ, вазифаи шаҳрвандӣ ва рисолати имонии худ қарор дода, тамоми донишу таҷриба, маҳорату малака ва саъю талоши худро минбаъд низ ба рушди давлати соҳибихтиёрамон ва Ватани аҷдодиамон равона кунем, кишвари маҳбубамонро пешрафта гардонем ва барои наслҳои оянда як мулки обод мерос гузорем
Дар фароварди баромади худ директори Агентӣ таманнои онро намуданд, ки парчами озодӣ дар фазои Ватани аҷдодии мо ҷовидон парафшон бошад ва хуршеди озодиву истиқлолият ба хонадони ҳар фарди кишвари маҳбубамон то абад файзу баракат ва нуру зиё бахшад, ситораи иқболи давлати соҳибистиқлоламон ҳамеша фурӯзон бошад ва нури истиқлол барои миллати тоҷик чароғи раҳнамо ба сӯи фатҳу нусратҳои оянда гардад.
Дар идомаи чорабинӣ кормандони мақомот доир ба рисолати таърихии волотарин ва боарзиштарин дастоварди миллати тоҷик -Истиқлолияти давлатии Ҷумҳурии Тоҷикистон бо маърузаҳои пурмузмамуну пурмуҳтаво баромад намуда, тамоми мардуми шарифи Тоҷикистонро бо ин санаи фархунда табрику муборакбод гуфтанд.
Ёрдамчии Президенти Ҷумҳурии Тоҷикистон оид ба масъалаҳои кадрҳо муҳтарам Асадулло Раҳмон ба кормандоне, ки бо назардошти натиҷаҳои назарраси корӣ ва намунавор иҷро намудани вазифаҳои хизматӣ аз ҷониби Асосгузори сулҳу ваҳдати миллӣ - Пешвои маҳбуби миллат, Президенти Ҷумҳурии Тоҷикистон муҳтарам Эмомалӣ Раҳмон қадрдонӣ гардидаанд, медалу ифтихорнмаҳо тақдим карда, ба онҳо барои содиқона хизмат намудан ба халқу миллат муваффақият таманно намунданд.
Инчунин, як қатор кормандони мақомот бо рутба, медал ифтихорнома ва дигар туҳфаҳои хотирмон аз ҷониби роҳбарияти Агентӣ ҳавасманд гардонида шуданд.
Маркази матбуоти Агентӣ.
19 июля 2023 .
Дар чорабинӣ тартиби баҳодиҳии даври 5-уми мониторинги тавсияҳои Шабака мавриди муҳокима қарор дода шуда, бо мақсади баланд бардоштани савияи донишу таҷрибаи масъулини кишварҳои Осиёи Марказӣ ва Муғулистон, ки ба таҳияи ҳисоботҳои мониторингӣ машғул мешаванд, дастури методӣ дода шуд.
Ёдовар мешавем, ки дар доираи Нақшаи Истамбулии амалҳо (НИА) оғоз аз соли 2004 то инҷониб дар кишвар 4 маротиба мониторинги рафти иҷрои тавсияҳои Шабакаи зиддикоррупсионии Созмони Ҳамкории Иқтисодӣ ва Рушд (СҲИР) барои давлатҳои Аврупои Шарқӣ ва Осиёи Марказӣ гузаронида шуда, бо мақсади гузаронидани даври 5-уми мониторинг соли 2024 ташрифи коршиносони Шабака ба ба Ҷумҳурии Тоҷикистон дар назар аст.
Маркази матбуоти Агентӣ
05 июля 2023 .
Дар чорабинӣ рафти иҷрои қарорҳои ҷаласаи қаблии Шӯро, чораҳои самарабахши муқовимат ба коррупсия ва равишҳои умумӣ оид ба ҳамкории байналмилалӣ мавриди муҳокима қарор дода шуда, байни роҳбарони аввали мақомотҳои муқовимат ба коррупсияи давлатҳои аъзои Иттиҳоди Давлатҳои Мустақил вобаста ба корҳои анҷомдодашуда табодули афкор сурат гирифт.
Дар асоси қарори қабулгардида Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳамчун ҳамраисикунандаи Шӯрои болозикр эътироф гардида, тасмим гирифта шуд, ки ҷаласаи навбатии он соли 2024 дар Ҷумҳурии Тоҷикистон баргузор карда шавад.
Маркази матуботи Агентӣ
24 июня 2023 .
Нахуст дар чорабинӣ директори Агентӣ, генерал-лейтенанти адлия Султонзода Сулаймон Саид баромад намуда, бо шукургузорӣ аз фазои сулҳу субот ва ҳамдигарфаҳмии миллӣ ба хонадони тамоми мардуми шарафманди Тоҷикистон осоишу оромӣ, хушбахтиву сарбаландӣ ва саодати доимии рӯзгорро таманно намуданд.
Қайд гардид, ки ба имзо расонидани Созишномаи истиқрори сулҳ ва ризоияти миллӣ дар Тоҷикистон, ки минбаъд тамоми дастовардҳои Ватани азизамон, аз қабили эҳё ва ягонагии кишвар, мустаҳкам ва ҳимоя намудани манфиатҳои давлатӣ дар фазои геополитикӣ, рушди маънавӣ, ҳисси ватанпарастии мардум ва дигар арзишҳои умумимиллиро таҳким бахшид, намунаи олии хизматҳои шоиста ва арзандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои миллату давлати тоҷикон мебошад.
Ба шарофати ин падидаи нек Тоҷикистони азиз рушд карда, миллати тоҷик ба ҳадафҳои пешгузоштаи худ дастёб гардид ва дар партави ваҳдату якдилӣ тамоми соҳаҳо ташаккул ёфт.
Дар идомаи чорабинӣ бо назардошти натиҷаҳои назаррасӣ корӣ ва намунавор иҷро намудани вазифаҳои хизматӣ аз ҷониби роҳбарияти Агентӣ як қатор кормандон ба рутбаҳои махсуси навбатӣ ҳавасманд гардонида шуданд.
Ҳамзамон бахшида ба ин санаи фархунда аз 13 то 20 июни соли ҷорӣ мусобиқаи варзишӣ дар намудани “Футболи хурд” байни кормандони Агентӣ доир гардида, ба ғолибони ин мусобиқа ҷом ва медалу ифтихорномаҳо тақдим карда шуд.
Маркази матбуоти Агентӣ.
13 июня 2023 .
Асосгузори сулҳу ваҳдати миллӣ-Пешвои миллат, Президенти
Ҷумҳурии Тоҷикистон, муҳтарам Эмомалӣ Раҳмон
Рушди варзиш ва тарбияи ҷисмонӣ дар даврони Истиқлолияти давлатӣ дар қатори дигар соҳаҳо яке аз самтҳои афзалиятноки сиёсати иҷтимоии Ҳукумати мамлакат ба ҳисоб рафта, ба хотири оммавигардонии варзиш, таблиғи тарзи ҳаёти солим ва тарбияи варзишгарони касбии тоҷик заминаи мусоид фароҳам оварда шудааст.
Зеро варзиш ва тарбияи ҷисмонӣ бахши таркибии маҷмӯи маданият ва як соҳаи фаъолияти иҷтимоӣ буда, бахусус дар фаъолияти кормандони мақомоти ҳифзи ҳуқуқ ҳамчун омили муҳими тарбияи ҷисму рӯҳи солим, мактаби муҳими ҷаҳонфаҳмӣ ва ташвиқи арзишҳои олии инсонӣ маҳсуб меёбад.
Бо мақсади оммавигардонии варзиш, ташвиқу тарғиби тарзи ҳаёти солим ва устувор намудани дӯстиву робитаҳои варзишӣ имрӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба 26-солагии Ваҳдати миллӣ мусобиқаи варзишӣ дар намуди “Футболи хурд” оғоз гардид.
Мусобиқа миёни кормандони воҳидҳои сохтории Агентӣ доир гардида, он то 20 июни соли 2023 идома меёбад.
Маркази матбуоти Агентӣ.
3 ноябри соли 2023 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба таҷлили 29-умин солгарди “Рӯзи Конститутсияи Ҷумҳурии Тоҷикистон” ҷаласаи тантанавӣ доир гардид.
19 октябри соли ҷорӣ дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар ҳамбастагӣ бо Агентии хизмати давлатии назди Президенти Ҷумҳурии Тоҷикистон ва Академияи идоракунии давлатии назди Президенти Ҷумҳурии Тоҷикистон семинари омӯзишӣ барои котибони судҳои вилоятҳо ва шаҳру ноҳияҳо аз рӯйи барномаи “Сиёсати давлатӣ дар самти муқовимат ба коррупсия дар Ҷумҳурии Тоҷикистон” доир карда шуд. 
5 октябри соли 2023 дар толори маҷлисгоҳи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба Рӯзи забони давлатии Ҷумҳурии Тоҷикистон ҷаласаи тантанавӣ доир гардид.
Истиқлолият муқаддастарину азизтарин неъмат, рамзи саодат ва асолати миллат, шарафу номуси ватандорӣ ва нишонаи пойдориву бақои давлат мебошад. 
17-18 июли соли 2023 дар шаҳри Парижи Ҷумҳурии Фаронса бо ташаббуси Шабакаи зиддикоррупсионии Созмони Ҳамкории Иқтисодӣ ва Рушд барои Аврупои Шарқӣ ва Осиёи Марказӣ барои давлатҳои Осиёи Марказӣ ва Муғулистон семинари омӯзишӣ баргузор гардид, ки дар он гурӯҳи кории Агентии назорати давлатии молиявӣ ва мубориза бо коррупсияи Ҷумҳурии Тоҷикистон иштирок намуданд.
4 июли соли 2023 дар шаҳри Екатеринбурги Федератсияи Россия ҷаласаи Шӯрои байнидавлатии муқовимат ба коррупсия бо иштироки директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид ва ҳайати расмии мақомот баргузор гардид.
24 июни соли 2023 дар толори маҷлисгоҳи бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон бахшида ба таҷлили «Рӯзи Ваҳдати миллӣ» ҷамъомади тантанавӣ баргузор гардид. 
«Дар вокеъ, варзиш дар ҳама давру замонҳо барои инсоният ахамияти хосса дошт ва он яке аз омилҳои муҳими ташаккули шахсияти солими чомеа аст. Варзиш қисми муҳими фарҳанги умумибашарӣ ва қосиди сулҳу амонӣ буда, ба таҳкими саломатӣ, рушди ҳамаҷонибаи қобилияти ҷисмонии инсон мусоидат мекунад, инчунин, пайвандгари муносибатҳои дӯстӣ, ҳамдилӣ ва ошноии мардумони гуногуни олам мебошад».