Мусобиқаҳои варзишӣ бахшида ба эълон гардидани соли 2018, «Соли рушди сайёҳӣ ва ҳунарҳои мардумӣ»
Имрӯз бо ташаббуси Вазири корҳои дохилӣ генерал-полковники милитсия Раҳимзода Рамазон Ҳамро миёни кормандони мақомоти ҳифзи ҳуқуқ, барои дарёфти «Ҷоми Вазири корҳои дохилӣ» бахшида ба эълон гардидани соли 2018, «Соли рушди сайёҳӣ ва ҳунарҳои мардумӣ», дар толори варзишии Шӯрои ҷумҳуриявии «Динамо»-и Вазорати корҳои дохилӣ мусобиқаҳои варзишӣ оғоз гардид.
Дастаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон низ дар чорабинии зикргардида ширкат варзида, бозии аввали худро дар намуди футболи хурд бо дастаи «Спитамен» доир намуд. Бозии мазкур дар руҳияи ҳамдигарфаҳмӣ бо шавқмандии зиёди кормандон дар сатҳи баланд доир гардида, бо ҳисоби 9:6 ба фоидаи дастаи Агентӣ хотима ёфт.
