21 феврали 2024 .
Чунончи, Эргашев Б.С. дар давраи фаъолияти кориаш ҳамчун шахси масъулияти моддидошта ба ҳисоби худ дар анбори гурӯҳи хизматрасонии қитъаи Панҷакент молу маҳсулоти арзишдорро расман қабул намуда, бо мақсади ғаразнок қисми онро мувофиқи мақсад истифода ва васлу насб накарда, дар давоми соли 2023 тибқи маслиҳати пешакӣ бо роҳбари худ Бобоев Б.Қ. ва дигар шахсони масъул таҷҳизотҳои барқӣ ва молу маҳсулоти арзишдори ба ӯ бовар карда супурдашуда ва дар ихтиёраш қарордоштаро ба маблағи умумии 2.136.613,31 сомонӣ бо роҳи сохтакории ҳуҷҷатҳои муҳосиботӣ тасарруф намуда, ба эҳтиёҷоти шахсиашон сарф намуданд, ки бо ин кирдори қасдонаи худ ба давлат зарари махсусан калони моддӣ расониданд.
Оид ба ҳолатҳои мазкур нисбати Бобоев Б.Қ., Эргашев Б.С. ва дигар шахсони масъули “Шабакаҳои барқи шаҳри Панҷакент” бо моддаҳои 245 қисми 4 банди “б” ва 323 КҶ Ҷумҳурии Тоҷикистон парвандаи ҷиноятӣ оғоз гардида, маблағи зарари ошкоргардида бо пуррагӣ барқарор карда шуда, тафтиши пешакии парвандаи ҷиноятии мазкур идома дорад.
Маркази матбуоти Агентӣ
16 феврали 2024 .
Дар нишасти мазкур мушовири бахши ёрдамчии Президенти Ҷумҳурии Тоҷикистон оид ба масъалаҳои ҳуқуқӣ – Холиқзода Ҷонибек, роҳбарият ва сардорони раёсату шуъбаҳои дастгоҳи марказии Агентӣ, инчунин сардорони воҳидҳои маҳаллию минтақавии мақомот ва намояндагони воситаҳои ахбори омма ширкат варзиданд.
Нахуст чорабиниро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Султонзода Сулаймон Саид ҳусни оғоз бахшида, оид ба натиҷаҳои фаъолияти Агентӣ дар давраи соли 2023 ба хабарнигорон маълумот пешниҳод намуданд.
Қайд карда шуд, ки дар соли 2023 кормандони Агентӣ ҷиҳати тарғибу ташвиқи сиёсати зиддикоррупсионӣ ва пешгирии ҳуқуқвайронкуниҳои коррупсионӣ 1157 вохӯрӣ гузаронида, дар ин раванд тавассути воситаҳои ахбори омма 84 маротиба баромад карда, 5 конфронс, 6 нишасти матбуотӣ ва 84 мизи мудаввару семинарҳо барпо карданд.
Зимнан иброз гардид, ки аз натиҷаи санҷишҳо, таҳқиқ ва тафтиши парвандаҳои ҷиноятӣ ҷиҳати бартараф намудани омилҳои коррупсионӣ ва шароитҳои ба онҳо мусоидаткунанда унвонии вазорату идораҳо 2864 пешниҳод ва 1377 дастури хаттӣ ирсол гардида, бо баррасии онҳо нисбати 1301 нафар ҷазоҳои интизомӣ татбиқ карда шуда, 266 нафар аз вазифаҳои ишғолнамудаашон озод карда шудаанд.
Сипас аз ҷониби намояндагони воситаҳои ахбори омма ба роҳбарияти Агентӣ як қатор саволҳо пешниҳод гардида, ба онҳо ҷавобҳои мушаххас ва қонеъкунанда дода шуд.
Маркази матбуоти Агентӣ
13 феврали 2024 .
Чунончи, Абдураҳимзода Т. дар давраи фаъолияти кории худ парвандаи ҷиноятӣ оиди ҳолати сохтакории ҳуҷҷатҳоро ба пешбурди худ қабул намуда, бо гузаронидани амалҳои зарури тафтишотӣ ҳолати гунаҳгории шаҳрванд Охматов А.А.-ро дар содир намудани ҷинояти болозикр муайян намуд. Сипас номбурда бо мақсади ба даст овардани фоидаи муфт, барои иҷрои амали ғайриқонунӣ, яъне ҷиҳати ба ҷавобгарии ҷиноятӣ ҷалб накардани охирин аз падари номбурда Охматов А.Н. тавассути Охунов Ҳ.А. ба сифати пора маблағи 6000 доллари ИМА талаб кард.
Санаи 27 январи соли 2024 зимни гузаронидани чорабиниҳои оперативӣ-тафтишотӣ муфаттиши калони шуъбаи тафтишотии ШВКД дар шаҳри Хуҷанд баъди аз шаҳрванд Охунов Ҳ.А. гирифтани маблағи 6000 доллари ИМА ба сифати пора дар ҳудуди ноҳияи Б.Ғафуров дастгир карда шуда, маблағи 6000 доллари ИМА аз ӯ ёфта гирифта шуд.
Оиди ҳолати мазкур нисбати Абдураҳимзода Т. бо аломатҳои таркиби ҷинояти дар моддаи 319 қисми 2 КҶ Ҷумҳурии Тоҷикистон парвандаи ҷиноятӣ оѓоз карда шуда, тафтишоти пешакӣ идома дорад.
Маркази матбуоти Агентӣ
10 феврали 2024 .
Чунончи, номбурда қасди ба даст овардани фоидаи муфтро бо роҳи азонихудкунии маблағҳои буҷетӣ назди худ пеша намуда, бархилофи талаботҳои қонунгузории Ҷумҳурии Тоҷикистон амал карда, бевосита дар идоракунӣ ва роҳбарии ҶДММ “Нисо-А” ғайриқонунӣ иштирок варзида, бо истифода аз мақоми хизматиаш ҳамчун сардори шуъбаи ҲМЗ шаҳри Панҷакент барои ба имзо расонидани қарордодҳои давлатӣ байни мақомоти давлатии шаҳри Панҷакент ва ҶДММ “Нисо-А” шароит фароҳам овард.
Дар ин замина, давоми моҳҳои сентябр-декабри соли 2022 тибқи мусоидат ва пуштибонии бевоситаи Истамзода А.И. ҷамъияти болозикр дар 9 ҳолат зимни иҷроиши талаботҳои қарордодҳои давлатӣ бо ниҳодҳои дахлдори шаҳри Панҷакент ҷиҳати иҷрои корҳои сохтмонӣ ва таъмини молу маҳсулот даст ба азонихудкунии маблағҳои давлатӣ ва сохтакории ҳуҷҷатҳо зада, бо ин роҳ дар маҷмӯъ 1.247.689 сомонии аз ҳисоби маблағҳои буҷет ҷудошударо тасарруф карда, ба эҳтиёҷоти шахсиаш сарф намуд.
Вобаста ба ҳолати мазкур нисбати Истамзода А.И. ва дигарон парвандаи ҷиноятӣ бо моддаҳои 245 қисми 4 банди “б”, 318, 323 ва 340 қисми 2 банди “а” КҶ Ҷумҳурии Тоҷикистон оғоз гардида, бо гузаронидани амалҳои зарурии мурофиавӣ парвандаи ҷиноятӣ бо тасдиқи фикри айбдоркунӣ ба суд ирсол гардидааст.
Маркази матбуоти Агентӣ!
05 феврали 2024 .
Чунончи, номбурдагон аз 01 апрели соли 2021 то 01 сентябри соли 2023 бар хилофи талаботҳои Кодекси андози Ҷумҳурии Тоҷикистон амал карда, бо мақсади саркашӣ намудан аз пардохти андозҳо, манбаи андозбандишавандаро пинҳон намуда, дар ин замина бо роҳи пешниҳод кардани делоратсияҳои носаҳеҳ ба Нозироти андози ноҳияи И. Сомонии шаҳри Душанбе ҷамъ ба маблағи 8 877 911 сомонӣ ва бо назардошти ҷаримаву фоизҳо маблағи 13 389 927 сомонӣ аз пардохти андозҳои давлатӣ саркашӣ намудаанд, ки дар натиҷа бо ин кирдорҳои қасдонаашон ба давлат зарари моддӣ ба миқдори махсусан калон расониданд.
Вобаста ба ҳолати мазкур нисбати Сатторов А.У. ва Муминов Ҳ.Б. бо дастрасии моддаи 292 қисми 2 банди «б» КҶ Ҷумҳурии Тоҷикистон парвандаи ҷиноятӣ оғоз карда шуда, тафтишоти пешакӣ идома дорад.
Маркази матбуоти Агентӣ
19 январи 2024 .
Чорабиниро директори Агентӣ Султонзода Сулаймон Саид ифтитоҳ карда, иброз намуданд, ки Паёми Роҳбари давлат ба Маҷлиси Олии Ҷумҳурии Тоҷикистон раҳнамои самтҳои асосии сиёсати дохилию хориҷии кишвар барои давраҳои оянда ба ҳисоб рафта, ҳамчун падидаи муҳимму умдаи давлати демократӣ ва ҳуқуқбунёди мамлакат, воқеан нуфузу эътибори хосаро касб намудааст.
Зеро дар Паём дастуру супоришҳои мушаххасу зарурӣ барои фароҳам овардани шароити зиндагии арзанда ба аҳолии кишвар, таъмини адолати иҷтимои, ҳифзи ҳуқуқу озодиҳои инсон ва шаҳрванд, ҳамзамон рушди соҳаҳои иқтисодию иҷтимоии кишвар дода мешавад, ки дар натиҷаи амалигардонии онҳо дар ҳаёти давлатӣ - ҳуқуқӣ ва тамоми бахшҳои хоҷагии мамлакат дигаргуниҳои куллан ҷадид ва чашмрас ба амал омада, онҳо дар ҳамбастагӣ боиси афзудан ва боло рафтани шароити иҷтимоию иқтисодии ҳар як шахс ва дар маҷмӯъ халқи Тоҷикистон мегарданд.
Зимнан директори Агентӣ қайд намуданд, ки Паёми Пешвои миллат дар ҳақиқат дар самти пешрафти тамоми соҳаҳои ҳаётан муҳимми ҷомеаи Тоҷикистони азизамон ҳуҷҷати тақдирсоз маҳсуб меёбад ва ҳамаи мо бояд аз фазои осудаи кишвар, ваҳдати саросарии миллӣ, ифтихор аздавлату давлатдорӣ шукргузорӣ намуда, барои пешрафти ҷомеа ва фароҳам овардани дастовардҳои нав беғаразона фаъолият намуда, ҷиҳати амалӣ намудани дастуру супоришҳое, ки аз Паём бармеояд, саҳмгузор бошем.
Маркази матбуоти Агентӣ.
10 январи 2024 .
Боиси ифтихору сарфарозист, ки таъсисёбӣ ва ташакули мақомоти назорати давлатии молиявӣ ва мубориза бо коррупсияи Ҷумҳурии Тоҷикистон ҳамчун сохтори давлатӣ натиҷаи соҳибистиқлолии кишвари азизамон ва пештар аз ҳама, ташаббуси бевоситаи хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маҳсуб меёбад.
Соли 2006 баъди аз ҷониби Ҷумҳурии Тоҷикистон қабул гардидани Конвенсияи Созмони Милали Муттаҳид зидди коррупсия Ҷумҳурии Тоҷикистон уҳдадор гардид, ки қонунгузории худро ба Конвенсияи мазкур мутобиқ намуда, мақомоти махсусгардонидашудаи мубориза бо коррупсияро таъсис диҳад.
Бо мақсади иҷрои уҳдадориҳои байналмилалӣ ва ислоҳоти идораи давлатӣ, ташаккули низоми шаффофи фаъолияти мақомоти идоракунӣ, сарфа ва истифодаи самараноки маблағҳои буҷетӣ ва таъмини рушди устувори иқтисодӣ, иҷтимоӣ ва фарҳангии Ҷумҳурии Тоҷикистон бо Фармони Президенти Ҷумҳурии Тоҷикистон аз 10 январи соли 2007, №143 Политсияи андоз ва Кумитаи назорати давлатии молиявии Ҷумҳурии Тоҷикистон, ки то ин замон ҳамчун мақомотҳои муборизабаранда бо коррупсия амал менамуданд, барҳам дода шуда, мақомоти махсусгардонидашудаи мубориза бар зидди коррупсия - Агентии назорати давлатии молиявӣ ва мубориза бо коррупсияи Ҷумҳурии Тоҷикистон таъсис дода шуд.
Ҷиҳати ба танзим даровардани фаъолияти Агентӣ ва мансубияти ҷиноятҳои дорои хусусияти коррупсионидошта 20 марти соли 2008 Қонуни Ҷумҳурии Тоҷикистон «Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон» ва дигар санадҳои меъёрии ҳуқуқӣ қабул гардида, ба як қатор санадҳои қонунгузории соҳавӣ бо мақсади мутобиқ гардонидани онҳо ба санадҳои меъёрии ҳуқуқии соҳаи муқовимат ба коррупсия тағйиру иловаҳои дахлдор ворид карда шуданд.
Таъсиси Агентӣ аз дастовардҳои муҳими Ҷумҳурии Тоҷикистон дар самти муқовимат бо коррупсия ба шумор рафта, фаъолияти пурсамари он ҳамчун мақомоти ҳифзи ҳуқуқ аз заҳмату талошҳои шабонарӯзии кормандон вобастагии калон дорад.
Таърихи таъсис ва ташаккулёбии мақомотӣ Агентӣ нишон медиҳад, ки ҷиҳати фаъолияти самаранокии ин мақомоти ҷавон, мустаҳкам намудани пояҳои ташкилию ҳуқуқӣ ва таъминотии он аз ҷониби Ҳукумати мамлакат, хусусан Президенти кишвар, Пешвои миллат муҳтарам Эмомалӣ Раҳмон пайваста ғамхориҳои зиёд зоҳир карда мешавад.
Дар воқеъ самаранокии муқовимат ба коррупсия аз иштироки фаъоли тамоми шохаҳои ҳокимиятӣ давлатӣ ва ҷомеаи шаҳрвандӣ дар раванди амалигардонии он вобастагии зич дорад. Муқовимат ба коррупсия кори дастаҷамъона буда, дар он мақомоти давлатӣ дар ҳамбастагӣ бо ҷомеаи шаҳрвандӣ ва бо иштироки ҳар як фарди ҷомеа метавонад натиҷаҳои дилхоҳро ба даст оварад ва болоравии коррупсияро коҳиш диҳад.
Дар ин раванд вазифаи ҳамаи субъектҳои бевосита ба коррупсия муқовиматкунанда муҳимму мураккаб буда, он ба ҳифзу ҳимояи ҳуқуқу озодиҳои инсон ва шаҳрванд, манфиатҳои давлату ҷамъият, ташкилоту идораҳо, таъмини қонуният, ошкор ва пешгирӣ намудани кирдорҳои коррупсионӣ равона гардидааст ва дар навбати худ аз кормандони соҳа донишу малакаи касбӣ, масъулияти баланд ва поквиҷдонию ватандӯстиро тақозо менамояд.
Қобили қайд аст, ки кормандони мақомоти назорати давлатии молиявӣ ва мубориза бо коррупсияи Ҷумҳурии Тоҷикистон, бояд ҷиҳати ҳифзи манфиатҳои иқтисодии давлат, таъмини ҳуқуқу озодиҳои инсон ва шаҳрванд, тақвияти муқовимати дастаҷамъона бо омилу кирдорҳои коррупсионӣ саҳмгузор бошанд.
Имрӯз Ҷумҳурии Тоҷикистон дар натиҷаи тақвияти сиёсати зиддикоррупсионӣ ва фароҳам овардани заминаҳои мусоид барои муқовимати самаранок ба ин зуҳуроти номатлуб муваффақиятҳои зиёд ба даст овардааст.
Боварии комил дорем, ки чораҳои зиддикоррупсионие, ки имрӯз татбиқ мегарданд, марҳила ба марҳила барои паст кардани шиддати коррупсия кӯмак расонида, инчунин барои баланд бардоштани маърифати ҳуқуқии шаҳрвандон ва ҷалби ҷомеаи шаҳрвандӣ ҷиҳати муқовимат бо ин падидаи манфур шароити мусоид фароҳам меоварад ва тафаккури мардумро нисбат ба ин зуҳуроти номатлуб ба куллӣ тағйир медиҳад.
Дар охир ҳамаи кормандони соҳаро бо иди касбӣ - «Рӯзи кормандони мақомоти назорати давлатии молиявӣ ва мубориза бо коррупсия» табрику шодбош гуфта, бар ҳар яки онҳо саломатӣ ва ҷиҳати иҷрои содиқонаи вазифаҳои хизматӣ муваффақиятҳои боз ҳам бештарро орзумандем.
Маркази матбуоти Агентӣ
29 сентябри 2023 .
Дар чорабинӣ масъалаҳои ошкор ва баррасии хуқуқвайронкуниҳои маъмурӣ, гузаронидани мониторинги таъмини иҷрои талаботҳои “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар вазорату идораҳо, азнавтаҳлилкунӣ ва азнавбаҳодиҳӣ бо мақсади муайян намудани самарабахшии таҳлили хавфҳои коррупсионӣ тибқи “Методологияи тартиб ва методикаи гузаронидани таҳлили фаъолият (хавфҳои коррупсионӣ)”, татбиқи қонунҳои Ҷумҳурии Тоҷикистон “Дар бораи муқовимат ба коррупсия” ва “Дар бораи танзими анъана ва ҷашну маросим дар Ҷумҳурии Тоҷикистон”, инчунин ташкил ва баргузории чорабиниҳои таблиғотию ташвиқотӣ баррасӣ гардиданд.
Семинар баҳри муайян намудани самтҳои афзалиятноки муқовимат ба коррупсия, пешбинии чорабиниҳои мушаххас ҷиҳати пешгирии ин кирдори номатлуб, тақвияти ҳамкорӣ ва ҳамоҳангсозии воҳидҳои сохторӣ, мубодилаи таҷриба ва такмили савияи дониши кормандон, инчунин баланд бардоштани самаранокии тарғибу ташвиқи зиддикоррупсионӣ ва натиҷаҳои фаъолияти хизматӣ заминаи мусбӣ хоҳад гузошт.
Маркази матбуоти Агентӣ
Эргашев Б.С. дар вазифаи сардори гурӯҳи хизматрасонии қитъаи Панҷакенти “Шабакаҳои барқи шаҳри Панҷакент” кор карда истода, бо истифодаи ваколати мансабдорӣ ва дар асоси маслиҳати пешакӣ бо роҳбари ҳамин корхона Бобоев Б.Қ. ва дигар шахсони масъул дар ҳолатҳои зерин ҷиноятҳои азонихудкунӣ ва сохтакории хизматиро содир намудаанд. 
Дар асоси Нақшаи ташкил ва гузаронидани нишастҳои матбуотӣ дар вазорату идораҳо, корхона, муассиса ва ташкилот, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти соли 2023, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон тасдиқ гардидааст, 16 феврали соли 2024 дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон нишасти матбуотӣ баргузор гардид.
Абдураҳимзода Т. дар вазифаи муфаттиши калони шуъбаи тафтишотии ШВКД дар шаҳри Хуҷанд кор карда истода, ҳамчун шахси мансабдор ба ҳисоб рафта, дар ҳолати зерин ҷинояти гирифтани пораро содир намуд.
Истамзода Ашраф Истам аз 04 июли соли 2016 то 20 феврали соли 2023 дар вазифаи сардори шуъбаи ҳифзи муҳити зисти шаҳри Панҷакент кор ва фаъолият намуда, ҳамчун шахси мансабдор ба ҳисоб рафта, дар давраи фаъолияти кориаш идоракунӣ ва роҳбарии ҶДММ “Нисо-А”-и шаҳри Панҷакентро амалӣ намуда, бо фароҳам овардани бартарӣ ба ин ҷамъият дар ҳолатҳои зерин даст ба содир намудани ҷиноятҳои қасдона зад.
Саттаров А.У. дар вазифаи директори ҶДММ «Сипар Ком» ва Муминов Ҳ.Б. дар вазифаи сармуҳосиби ҳамин ҷамъият кору фаъолият карда, дар давраи фаъолияти кориашон бо мақсади ба даст овардани фоидаи муфт дар ҳолати зерин даст ба содир намудани ҷинояти саркашӣ аз супоридани андозҳо аз шахсони ҳуқуқӣ заданд.
19 январи соли 2024 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон чорабинӣ бахшида ба шарҳи нуқтаҳои асосии Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохилӣ ва хориҷии ҷумҳурӣ” ба Маҷлиси Олии Ҷумҳурии Тоҷикистон баргузор гардид.
Имрӯз дар дастгоҳи марказии Агентӣ бо мақсади мубодила ва такмил додани таҷрибаи кормандони воҳидҳои маҳаллию минтақавии самти муқовимат ба коррупсияи мақомот семинари омӯзишӣ баргузор гардид.