Иқтибос аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26.12.2018 | Мо соли ҷорӣ бо мақсади бартараф намудани санҷишҳои беасосу такрорӣ ва фароҳам овардани фазои мусоид барои рушди соҳибкорӣ ба ҳама гуна санҷишҳои фаъолияти соҳибкорони истеҳсолӣ дар давоми ду сол мораторий эълон намудем, ки аз он қариб 2000 субъектҳои соҳибкорӣ дар соҳаҳои истеҳсолӣ бархурдор гардиданд. | Барои тақвият бахшидан ба ин раванд, зарур мешуморам, ки солҳои 2019-2020 тамоми санҷишҳои фаъолияти субъектҳои соҳибкорӣ дар соҳаҳои истеҳсолӣ манъ карда, муқаррароти Қонуни Ҷумҳурии Тоҷикистон “Дар бораи мораторий ба санҷишҳои фаъолияти субъектҳои соҳибкорӣ дар соҳаҳои истеҳсолӣ” ба ҳамаи мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук татбиқ карда шаванд. | Ба роҳ мондани муборизаи қатъӣ бо амалҳои коррупсионӣ шарти муҳимми фароҳам овардани фазои ҳамдигарфаҳмӣ дар ҷомеа ва таҳкими эътимоди мардум нисбат ба сохтору мақомоти давлатӣ мебошад. | Бинобар ин, Агентии назорати давлатии молиявӣ ва мубориза бо коррупсия, Палатаи ҳисоб, Прокуратураи генералӣ ва дигар субъектҳои ваколатдори соҳа бояд ҳамкориро бо аҳолӣ беҳтар ба роҳ монда, ҷиҳати гузоштани садди устувор дар роҳи амалҳои коррупсионӣ тадбирҳои муассир андешанд. | Ҳамзамон бо ин, якҷо бо Вазорати адлия лоиҳаи Қонуни Ҷумҳурии Тоҷикистон “Дар бораи мубориза бар зидди коррупсия”-ро, ки соли 2005 қабул шудааст, вобаста ба шароити имрӯза дар таҳрири нав таҳия ва пешниҳод намоянд. | Таъмин намудани тартиботи ҳуқуқӣ, амнияти давлат, суботу оромии ҷомеа, ҳифзи ҳуқуқу озодиҳои инсон ва шаҳрванд, инчунин, мубориза бо ҷинояткорӣ вазифаи бевоситаи хизматӣ ва қарзи виҷдонии ҳар як корманди мақомоти ҳифзи ҳуқуқ ба ҳисоб меравад. | Аз ин рӯ, тамоми кормандони мақомоти судӣ, прокуратура, корҳои дохилӣ, амният, агентиҳои назорати маводи нашъаовар, назорати давлатии молиявӣ ва мубориза бо коррупсия бо мақсади таъмин намудани тартиботи ҷамъиятӣ, суботу оромии ҷомеа, пешгирӣ ва сари вақт ошкор кардани ҷиноятҳо, муайян ва бартарафсозии сабабу омилҳои содиршавии онҳо чораҳои ҷиддӣ андешанд. | Барои расидан ба ин ҳадафҳо кормандони мақомоти ҳифзи ҳуқуқ бояд, пеш аз ҳама, худашон талаботи қонунҳоро дар кору фаъолияти хеш қатъиян риоя намоянд ва дар иҷрои вазифаҳои хизматӣ намунаи ибрат бошанд. |

Ҳамкориҳои байналмилалии Агентӣ дар доираи СММ

 

Бо ташаббуси Раёсати Созмони Милали Муттаҳид рӯзҳои 1-5 июли соли равон семинари байниминтақавӣ доир ба мавзӯи «Истифодаи ғайриқонунии хизматрасониҳои интиқоли маблағ ва дороиҳо» дар шаҳри Пекини Ҷумҳурии Мардумии Чин баргузор гардид, ки дар он  намоянда, аз Агентии назорати давлатии молиявӣ ва мубориза бо коррупсияи, Ҷумҳурии Тоҷикистон, муовини сардори Сарраёсат, сардори Раёсати таҳлили хавфҳои коррупсия ва пешгирии ҳуқуқвайронкуниҳои коррупсионӣ, Расулӣ Барот иштирок доштанд.

         Семинари мазкурро ҳамоҳангсози минтақавии барномаи минтақавӣ барои Афғонистон ва давлатҳои ҳамсоя-Данило Камписи, эксперти Раёсати Созмони Милали Муттаҳид оид ба маводи мухаддир ва ҷинояткорӣ-Девид Коплей ифтитоҳ бахшида, дар кори он ба ғайр аз намояндагони Тоҷикистон, инчунин намояндагони мақомоти давлатии Ҷумҳуриҳои Исломии Афғонистон, Покистон ва Эрон, ҷумҳуриҳои Қазоқистон, Қирғизистон, Ӯзбекистон ва Туркманистон ширкат варзиданд.

         Тибқи рӯзномаи семинар ба намояндагони давлатҳо баромади расмӣ пешбинӣ нагардида, онҳо танҳо дар муҳокимарониҳо иштирок намудаанд ва намояндагони Тоҷикистон низ дар баробари муҳокимарониҳо ба саволҳои иштирокчиён оид ба паҳлуҳои алоҳидаи мавзӯъ вобаста ба кишвари мо посух додаанд.

         Дар маҷмӯъ чорабинии зикргардида дар фазои ҳамдигарфаҳмии иштирокчиён ва эҳтироми манфиатҳои миллии кишварҳо баргузор гардида, имконияти хуби мубодилаи афкорро дар мавзӯи мазкур фароҳам овардааст.

         Иттилооти дар ҷараёни семинар бадастоварда дар раванди таҳияи чорабиниҳо оид ба мубориза алайҳи истифодаи ғайриқонунии хизматрасониҳои интиқоли маблағ ва дороиҳо ва пешбурди корҳои фаҳмондадиҳӣ дар байни аҳолӣ, инчунин баланд бардоштани нақши ҷомеаи шаҳрвандӣ дар пешгирии руҳияи маблағгузории терроризм ва пулшӯӣ дар мамлакат истифода хоҳад шуд.

 


Сомонаи расмии
Президенти Ҷумҳурии Тоҷикистон

Сомонаи расмӣ Прокуратураи генералии
Ҷумҳурии Тоҷикистон

Вазорати корҳои дохилии
 Ҷумҳурии Тоҷикистон

Агентии назорати нашъовари назди
Презтиденти Ҷумҳурии Тоҷикистон

Кумиати андози назди Ҳукумати
Ҷумҳурии Тоҷикистон

 

ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

 

Агентии Миллии иттилоотии
Тоҷикистон "Ховар"

 

Палатаи савдо ва саноати
Ҷумҳурии Тоҷикистон

 

© АГЕНТИИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯИ ҶУМҲУРИИ ТОҶИКИСТОН , 2013-2019.