Иқтибос аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26.12.2018 | Мо соли ҷорӣ бо мақсади бартараф намудани санҷишҳои беасосу такрорӣ ва фароҳам овардани фазои мусоид барои рушди соҳибкорӣ ба ҳама гуна санҷишҳои фаъолияти соҳибкорони истеҳсолӣ дар давоми ду сол мораторий эълон намудем, ки аз он қариб 2000 субъектҳои соҳибкорӣ дар соҳаҳои истеҳсолӣ бархурдор гардиданд. | Барои тақвият бахшидан ба ин раванд, зарур мешуморам, ки солҳои 2019-2020 тамоми санҷишҳои фаъолияти субъектҳои соҳибкорӣ дар соҳаҳои истеҳсолӣ манъ карда, муқаррароти Қонуни Ҷумҳурии Тоҷикистон “Дар бораи мораторий ба санҷишҳои фаъолияти субъектҳои соҳибкорӣ дар соҳаҳои истеҳсолӣ” ба ҳамаи мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук татбиқ карда шаванд. | Ба роҳ мондани муборизаи қатъӣ бо амалҳои коррупсионӣ шарти муҳимми фароҳам овардани фазои ҳамдигарфаҳмӣ дар ҷомеа ва таҳкими эътимоди мардум нисбат ба сохтору мақомоти давлатӣ мебошад. | Бинобар ин, Агентии назорати давлатии молиявӣ ва мубориза бо коррупсия, Палатаи ҳисоб, Прокуратураи генералӣ ва дигар субъектҳои ваколатдори соҳа бояд ҳамкориро бо аҳолӣ беҳтар ба роҳ монда, ҷиҳати гузоштани садди устувор дар роҳи амалҳои коррупсионӣ тадбирҳои муассир андешанд. | Ҳамзамон бо ин, якҷо бо Вазорати адлия лоиҳаи Қонуни Ҷумҳурии Тоҷикистон “Дар бораи мубориза бар зидди коррупсия”-ро, ки соли 2005 қабул шудааст, вобаста ба шароити имрӯза дар таҳрири нав таҳия ва пешниҳод намоянд. | Таъмин намудани тартиботи ҳуқуқӣ, амнияти давлат, суботу оромии ҷомеа, ҳифзи ҳуқуқу озодиҳои инсон ва шаҳрванд, инчунин, мубориза бо ҷинояткорӣ вазифаи бевоситаи хизматӣ ва қарзи виҷдонии ҳар як корманди мақомоти ҳифзи ҳуқуқ ба ҳисоб меравад. | Аз ин рӯ, тамоми кормандони мақомоти судӣ, прокуратура, корҳои дохилӣ, амният, агентиҳои назорати маводи нашъаовар, назорати давлатии молиявӣ ва мубориза бо коррупсия бо мақсади таъмин намудани тартиботи ҷамъиятӣ, суботу оромии ҷомеа, пешгирӣ ва сари вақт ошкор кардани ҷиноятҳо, муайян ва бартарафсозии сабабу омилҳои содиршавии онҳо чораҳои ҷиддӣ андешанд. | Барои расидан ба ин ҳадафҳо кормандони мақомоти ҳифзи ҳуқуқ бояд, пеш аз ҳама, худашон талаботи қонунҳоро дар кору фаъолияти хеш қатъиян риоя намоянд ва дар иҷрои вазифаҳои хизматӣ намунаи ибрат бошанд. |

Гирифтани пора барои аз адои минбаъдаи хизмати ҳарбӣ озод намудани сарбоз

 

Ҳангоми санҷиши аризаи шаҳрванд “А” муайян карда шуд, ки Раҳмонов Амиршо Абдуқаҳорович ба ҳайси командири взводи ротаи тирандози савораи қисми ҳарбии 07017-и Вазорати мудофиаи Ҷумҳурии Тоҷикистон адои хизмат карда истода, тахминан моҳи июни соли 2018 дар ҳудуди қисми ҳарбӣ аз сарбози қатори «А», ки дар Қисми ҳарбии мазкур хизмат менамуд, барои аз адои минбаъдаи хизмати ҳарбӣ озод намудан дидаю дониста, ки ин амал ба доираи ваколатҳои хизматиаш дохил намешавад, маблағи 15000 сомонӣ талаб кард.
Бо дарназардошти он, ки сарбоз “А” имконияти пайдо намудани маблағи талабнамудаи Раҳмонов Амиршо Абдуқаҳоровичро надошт, ба охирин иброз намуд, ки дар сурати фурӯхтани автомашинаи тамғаи “Мереседес-Бенс", раками қайди давлатиаш 08-13 АТ 03, ки ба падараш тааллуқ дошт метавонад маблағи мазкурро ба ӯ диҳад. Вале Раҳмонов А.А. баъди шунидани ин ҳолат аз фурсати муносиб истифода бурда, аз сарбоз “А” талаб намуд, ки ба ҷои маблағи 15000 сомонӣ падараш автомашинаи болозикрро ба ӯ диҳад.
10-августи соли 2018 аз тарафи кормандони Агентӣ нисбати Раҳмонов Амиршо Абдуқаҳорович бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, дар натиҷаи гузаронидани чорабиниҳои оперативӣ-тафтишотӣ номбурда баъди бо роҳи фиреб ва сӯиистифодаи боварӣ ба номи худ ҳуҷҷатгузорӣ намудани автомашинаи мазкур дастгир карда шуд.
        Баъди ба итмом расидани тафтиши пешакӣ парвандаи ҷиноятӣ нисбати Раҳмонов А. барои моҳиятан баррасӣ намудан ба суд ирсол карда шуд.

Сомонаи расмии
Президенти Ҷумҳурии Тоҷикистон

Сомонаи расмӣ Прокуратураи генералии
Ҷумҳурии Тоҷикистон

Вазорати корҳои дохилии
 Ҷумҳурии Тоҷикистон

Агентии назорати нашъовари назди
Презтиденти Ҷумҳурии Тоҷикистон

Кумиати андози назди Ҳукумати
Ҷумҳурии Тоҷикистон

 

ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

 

Агентии Миллии иттилоотии
Тоҷикистон "Ховар"

 

Палатаи савдо ва саноати
Ҷумҳурии Тоҷикистон

 

© АГЕНТИИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯИ ҶУМҲУРИИ ТОҶИКИСТОН , 2013-2019.